- Къарнынг бла ёч алма.
- Хунаны тюбюн къазсанг, юсюнге ауар.
- Ачлыкъда тары гырджын халыуадан татлы.
- Аш иеси бла татлыды.
- Келлик заман – къартлыкъ келтирир, кетген заман – джашлыкъ ёлтюрюр.
- Эм уллу байлыкъ – джан саулукъ.
- Чомарт къонакъ юй иесин сыйлар.
- Кесинг сынамагъан затны, адамгъа буюрма.
- Аз сёлеш, кёб ишле.
- Хар адамгъа кеси миннген тау кибик.
- Мухардан ач ычхынмаз.
- Булут кёкге джарашыу, уят бетге джарашыу.
- Ёмюрлюк шохлукъну джел элтмез.
- Ата Джуртуму башы болмасам да, босагъасында ташы болайым.
- Бетинги сатма, малынгы сат.
- Тура эдим джата, къайдан чыкъды хата?
- Игиге айтсанг – билир, аманнга айтсанг – кюлюр.
- Элиб деген, элге болушур.
- Ашда уялгъан – мухар, ишде уялгъан – хомух.
- Шекер бла туз – бир болмаз, ушамагъан – юй болмаз.
- Чомарт бергенин айтмаз.
- Сабий болмагъан джерде, мёлек болмаз.
- Адебсиз адам – джюгенсиз ат.
- Мен да «сен», дейме, сен да «кесим», дейсе.
- Накъырданы арты керти болур.
- Эринчекни аурууу – кёб.
- Рысхы – насыбха къор.
- Арбаз къынгырды да, ийнек сауалмайма.
- Окъугъан – асыу, окъумагъан – джарсыу.
- Абынмазлыкъ аякъ джокъ, джангылмазлыкъ джаякъ джокъ.
- Ишленмеклик адамлыкъды.
- Билеги кючлю, бирни джыгъар, билими кючлю, мингни джыгъар.
- Биреуге аманлыкъны тилеме да, кесинге ашхылыкъны тиле.
- Тенги кёбню джау алмаз, акъылы кёбню дау алмаз.
- Ургъан суудан башынгы сакъла.
- Къонакъ аз олтурур, кёб сынар.
- Ауузу бла къуш тута айланады.
- Ишленмеген джаш – джюгенсиз ат, ишленмеген къыз – тузсуз хант.
- Кюлме джашха – келир башха.
- Зар адам ашынгы ашар, кесинги сатар.
- Эски джаугъа ышанма.
- Ат басханны джер билед.
- Билимден уллу байлыкъ джокъду.
- Къобан да къуру да къобханлай турмайды, адам да къуру да патчахлай турмайды.
- Аурууну келиую тынч, кетиую – къыйын.
- Кёпюр салгъан кеси ётер, уру къазгъан кеси кетер.
- Сютню башын джалагъан къутулур, тюбюн ичген тутулур.
- Телиге акъыл салгъандан эсе, ёлгеннге джан салырса.
- Тёрде – темир таякълы, къаяда – чыпчыкъ аякълы.
- Гыдай эчки суугъа къараб, мюйюзле кёрмесе, джашма алкъын, дегенди.
Профиль
|
|
|
|||