- Аууздан келген, къолдан келсе, ким да патчах болур эди.
- Ышармагъан – кюлмез, кюлмеген – къууанчны билмез.
- Акъыл неден да кючлюдю.
- Юреннген ауруу къалмаз.
- Къыйынлы джети элге оноу этер.
- Бет бетге къараса, бет да джерге къарар.
- Ойнай-ойнай кёз чыгъар.
- Акъылсызны джууукъгъа алма, акъыллыны кенгнге салма.
- Чомартны къолу берекет.
- Биреуню эскиси биреуге джангы болмайды.
- Акъыл сабырлыкъ берир.
- Илму – джашауну джолу.
- Билим ат болуб да чабар, къуш болуб да учар.
- Джылыгъа джылан илешир.
- Адам къыйынлыгъын кёлтюрюр, зауукълугъун кёлтюрмез.
- Ач, тоймам, дейди, тойгъан, ач болмам, дейди.
- Садакъачыны джаны – къапчыгъында.
- Керилген да, ургъан кибикди.
- Айтханы чапыракъдан ётмеген.
- Игиге айтсанг – билир, аманнга айтсанг – кюлюр.
- Адеб джокъда, намыс джокъ.
- Суу ичген шауданынга тюкюрме.
- Ариуну – ауруу кёб.
- Чоюнну башы ачыкъ болса, итге уят керекди.
- Тёзген – тёш ашар!
- Иги сёз – джаннга азыкъ, аман сёз башха – къазыкъ.
- Ётген ёмюр – акъгъан суу.
- Терек ауса, отунчу – кёб.
- Кёзю сокъурдан – къоркъма, кёлю сокъурдан – къоркъ.
- Телиге от эт десенг, юйюнге от салыр.
- Тойну къарнашы – харс, джырны къарнашы – эжиу.
- Арыгъан къош чамчы болур.
- Кёлю джокъну – джолу джокъ.
- Чёбню кёлтюрсенг, тюбюнден сёз чыгъар.
- Бал ашаргъа сюе эсенг, чибин ургъаннга тёз.
- Туз, гырджын аша, тюзлюк бла джаша.
- Кёб къычыргъандан – къоркъма, тынч олтургъандан – къоркъ.
- Акъыллы – эл иеси, тели – эл баласы.
- Олтуруб кёрюнмей эди да, ёрге туруб кёрюне эди.
- Ойнай билмеген, оюн бузар.
- Кёзден кетген, кёлден да кетеди.
- Ата Джуртун танымагъан, атасын да танымаз.
- Байны оноуу, джарлыгъа джарамаз.
- Чыкълы кюнде чыкъмагъан, чыкъса къуру кирмеген.
- Сёз – кюмюш, джыр – алтын.
- Тенги кёбню джау алмаз, акъылы кёбню дау алмаз.
- Кёрмегеннге кебек – танг, битмегеннге сакъал – танг.
- Джаханимни кёрмей, джандетге кёл салмазса.
- Булут кёкге джарашыу, уят бетге джарашыу.
- Кюн – узун, ёмюр – къысха.
Профиль
|
|
|
|||