Эльбрусоид :: Форум

Агъач – джерни чырайы, кийим – эрни чырайы.
Уллу суу бла уллу ауруудан башынгы сакъла.
Биреу къой излей, биреу той излей.
Сормай – алма, чакъырылмай – барма.
Чыкълы кюнде чыкъмагъан, чыкъса къуру кирмеген.
Чабакъ башындан чирийди.
Ата – баланы уясы.
Арбаз къынгырды да, ийнек сауалмайма.
Акъыллы башны – тили къысха.
Булут кёкге джарашыу, уят бетге джарашыу.
Сибиртки да сыйлы болду, кюрек да кюнлю болду.
Тилчиден кери бол.
Адамны аты башхача, акъылы да башхады.
Гугурук къычырмаса да, тангны атары къалмаз.
Ишлегенден, къарагъан уста.
Игиге айтсанг – билир, аманнга айтсанг – кюлюр.
Окъугъан – асыу, окъумагъан – джарсыу.
Келинин тута билмеген, къул этер, къызын тута билмеген, тул этер.
Рысхы джалгъанды: келген да этер, кетген да этер.
Шайтан алдады, тюзлюк къаргъады.
Эки итни арасына сюек атма, эки адамны арасында сёз чыгъарма.
Джерни букъусу кёкге къонмаз.
Къая джолда джортма, ачыкъ сёзден къоркъма.
Эрине къаргъыш этген къатын, эрнин къабар.
Къайгъыны сюйген, къайгъы табар.
Гыдай эчки суугъа къараб, мюйюзле кёрмесе, джашма алкъын, дегенди.
Кийим тукъум сордурур.
Ариу сёзде ауруу джокъ.
Джан саулукъ бермей, сан саулукъ бермезсе.
Аш хазыр болса, иш харам болур.
Адамны сыфатына къарама, сёзюне къара.
Мураты болгъанны джюрек тебюую башхады.
Ашда уялгъан – мухар, ишде уялгъан – хомух.
Кесинг сынамагъан затны, адамгъа буюрма.
Ач къарным, тынч къулагъым.
Иесиз малны бёрю ашар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кюн кёрмеген, кюн кёрсе, кюндюз чыракъ джандырыр.
Тойгъа барсанг, тоюб бар, эски тонунгу къоюб бар.
Ата – билек, ана – джюрек!
Ач отунчуну ачыуу – бурнунда.
Зар адам ашынгы ашар, кесинги сатар.
Адам сёзге тынгыла, акъыл сёзню ангыла.
Иги – алгъыш этер, аман – къаргъыш этер.
Душманны тышы – акъ, ичи – къара.
Къарнынг ауруса, ауузунгу тый
Ойнай билмеген, оюн бузар.
Кютгени беш эчки, сызгъыргъаны уа, джерни джарады.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Баланы адам этген анады.

Логин:
Пароль:
	Запомнить меня на этом компьютере

Забыли свой пароль?
Регистрация