Эльбрусоид :: Форум

Хунаны тюбюн къазсанг, юсюнге ауар.
Кёлю джокъну – джолу джокъ.
Кёз – сюйген джерде, къол – ауругъан джерде.
Нёгерсизни джолу узун.
Ишлегенде эринме, ишде чолакъ кёрюнме.
Гитче джилтин уллу элни джандырыр.
Ач уят къоймаз.
Окъуу – билимни ачхычы, окъуу – дунияны бачхычы.
Къуллукъчума, деб махтанма, къуллукъ – хаух джамчыды!
Элге къуллукъ этмеген, элге ие болмаз.
Окъугъан – асыу, окъумагъан – джарсыу.
Таукел адам тау тешер.
Къолу уллу – асыу, аягъы уллу – джарсыу.
Къыйынлы джети элге оноу этер.
Таш ата билмеген, башына урур.
Кёрмегеннге кебек – танг, битмегеннге сакъал – танг.
Джети тилни билген джети кишиди.
Ауругъаннга – кийик саулукъ, джетген къызгъа – чилле джаулукъ.
Аш берме да, къаш бер.
Хар сёзню орну барды.
Джиби бир къат джетмей эди да, эки къат тарта эди.
Ач къалгъандан, кеч къалгъан къолай.
Джетген къыз джерли эшекни танымаз.
Къартха ушагъан джаш – акъыллы, джашха ушагъан къарт – тели.
Джауумдан сора, кюн кюйдюрюр, ётюрюкден сора, айыб кюйдюрюр.
Джарлы эскисин джамаса, къууаныр.
Къарнынг къанлынга кийирир.
Къолунгдан къуймакъ ашатсанг да, атаны борчундан къутулмазса.
Хоншуну тауугъу къаз кёрюнюр, келини къыз кёрюнюр.
Джаз бир кюнню джатсанг, къыш талай кюнню абынырса.
Аманны къуугъан, аманлыкъ табар.
Байлыкъ адамны сокъур этер.
Адамны аманы адамны бети бла ойнар.
Къонакъ аз олтурур, кёб сынар.
Тойгъан антын унутур.
Кёл – къызбай, къол – батыр.
Ишин билген, аны сыйын чыгъарады.
Уллу сёлешме да, уллу къаб.
Ургъан суудан башынгы сакъла.
Алгъанда – джууукъ, бергенде – джау.
Ачыкъ джюрекге джол – ачыкъ.
Тил джюрекге джол ишлейди.
Намысы болмагъанны, сыйы болмаз.
Джигер – джаннга къыйынлыкъ.
Ата Джуртун танымагъан, атасын да танымаз.
Сёз садакъдан кючлюдю.
Эрине къаргъыш этген къатын, эрнин къабар.
Оюмсуз атлагъан, аджалсыз ёлюр.
Ёлюк кебинсиз къалмаз.
Ашыкъгъанны этеги бутуна чырмалыр.

Логин:
Пароль:
	Запомнить меня на этом компьютере

Забыли свой пароль?
Регистрация