Эльбрусоид :: Форум

Кёб ашасанг, татыуу чыкъмаз, кёб сёлешсенг, магъанасы чыкъмаз.
Ёгюзню мюйюзлери ауурлукъ этмейдиле.
Бет бетге къараса, бет да джерге къарар.
Эте билген, этген этеди, эте билмеген, юретген этеди!
Ата Джуртун танымагъан, атасын да танымаз.
Тас болгъан бычакъны сабы – алтын.
Ургъан суудан башынгы сакъла.
Эринчекни эр алмаз, эр алса да, кёл салмаз, кёл салса да, кёб бармаз!
Эшекни не къадар тюйсенг да, ат болмаз.
Аман къатын алгъан, арыр, иги къатын алгъан джарыр.
Ата Джуртуму башы болмасам да, босагъасында ташы болайым.
Кюн – узун, ёмюр – къысха.
Адеби болмагъан къыз – тузсуз хант.
Къартны бурнун сюрт да, оноугъа тут.
Алим болгъандан эсе, адам болгъан къыйынды.
Тилсиз миллет джокъ болур.
Ёлмесенг да, къарт дамы болмазса?
Элге къуллукъ этмеген, элге ие болмаз.
Нафысынгы айтханын этме, намысынгы айтханын эт.
Ашхы сёз таш тешер.
Ата джурт – алтын бешик.
Къартха ушагъан джаш – акъыллы, джашха ушагъан къарт – тели.
Баш болса, бёрк табылыр.
Хар ишни да аллы къыйынды.
Ачылгъан эт джабылыр, кёрген кёз унутмаз.
Къууут – джелге, берне – бошха.
Джаш болсун, къыз болсун, акъылы, саны тюз болсун.
Акъыллы башны – тили къысха.
Ауурну тюбю бла, дженгилни башы бла джюрюген.
Ашда – бёрю, ишде – ёлю.
Нёгерсизни джолу узун.
Къарны аманнга къазан такъдырма, къолу аманнга от джакъдырма.
Къатын байлыкъны сюер, эр саулукъну сюер.
Битмегеннге сакъал – танг.
Душманны тышы – акъ, ичи – къара.
Ач отунчуну ачыуу – бурнунда.
Къызны минг тилер, бир алыр.
Болджал ишни бёрю ашар.
Таш ата билмеген, башына урур.
Къоркъакъны кёзю экили кёрюр.
Илму – джашауну джолу.
Баланы адам этген анады.
Ауругъанны сау билмез, ач къарынны токъ билмез.
Биреу къой излей, биреу той излей.
Билим насыб берир, билим джолну керир.
Тил джюрекге джол ишлейди.
Киштикге къанат битсе, чыпчыкъ къалмаз эди.
Орундукъ тюбюнде атылсам да, орта джиликме, де да айлан.
Кёрмегеннге кебек – танг, битмегеннге сакъал – танг.
Ёлген эшек бёрюден къоркъмайды.

Логин:
Пароль:
	Запомнить меня на этом компьютере

Забыли свой пароль?
Регистрация