Эльбрусоид :: Форум

Тойчу джашха къарама, къойчу джашха къара.
Гугук кесини атын айтыб къычыргъанча, мен, мен деб нек тураса?
Ашхы болсанг, атынг чыгъар, аман болсанг, джанынг чыгъар.
Къыз келсе, джумуш эте келеди, къатын келсе, ушакъ эте келеди.
Бичгенде ашыкъма, тикгенде ашыкъ.
Ауругъанны сау билмез, ач къарынны токъ билмез.
Эркишини аманы тиширыуну джылатыр.
Шекер бла туз – бир болмаз, ушамагъан – юй болмаз.
Иги адам абынса да, джангылмаз.
Тил бла келеди джыр да.
Къонакъ хазыр болгъанлыкъгъа, къонакъбай хазыр тюлдю.
Байма, деб да, къууанма, джарлыма, деб да, джылама.
Адам сёзюнден белгили.
Эли джокъну – кёлю джокъ.
Тюзлюк тас болмайды.
Ёзденликни кёбю ётюрюк.
Тёзгеннге, джабылгъан эшик ачылыр.
Кёлсюзден сёзсюз тууар.
Къатын къылыкъсыз, эр тынчлыкъсыз.
Гитче джилтин уллу элни джандырыр.
Къозулугъунда тоймагъан, къойлугъунда тоймаз.
Онгсузну – джакъла, тенгликни – сакъла.
Аууз сакълагъан – джан сакълар.
Къонакъ болсанг, ийнакъ бол.
Кёб къычыргъандан – къоркъма, тынч олтургъандан – къоркъ.
Мухар, кеси тойса да, кёзю тоймаз.
Окъугъан озар, окъумагъан тозар.
Къызбайны юйюне дери сюрсенг, батыр болур.
Къоркъакъны кёзю экили кёрюр.
Тюз сёз баргъан сууну тыяр.
Джолда аягъынга сакъ бол, ушакъда тилинге сакъ бол.
Къолу уллу – асыу, аягъы уллу – джарсыу.
Къарнынг къанлынга кийирир.
Эринчекге кюн узун.
Суу да къайтады чыкъгъан джерине.
Ашхы сёз таш тешер.
Акъыллы айтыр эди, акъылсыз къоймайды.
Алгъанда – джууукъ, бергенде – джау.
Къазанны башы ачыкъ болса, итге уят керекди.
Эрни эр этерик да, къара джер этерик да, тиширыуду.
Арба аугъандан сора, джол кёргюзтюучю кёб болур.
Тойгъанлыкъ къойгъа джарашады.
Ач къалгъандан, кеч къалгъан къолай.
Ач, тоймам, дейди, тойгъан, ач болмам, дейди.
Чомарт къонакъ юй иесин сыйлар.
Келлик заман – къартлыкъ келтирир, кетген заман – джашлыкъ ёлтюрюр.
Сакъламагъан затынга джолукъсанг, не бек къууанаса, не бек ачыйса.
Телиге от эт десенг, юйюнге от салыр.
Ачыкъ джюрекге джол – ачыкъ.
«Ма», - дегенни билмесенг, «бер», - дегенни билмезсе.

Логин:
Пароль:
	Запомнить меня на этом компьютере

Забыли свой пароль?
Регистрация