Эльбрусоид :: Форум

Мен да «сен», дейме, сен да «кесим», дейсе.
Ёксюзню тилеги къабыл болур.
Ким бла джюрюсенг, аны кёзю бла кёрюнюрсе.
Тилде сюек болмаса да, сюек сындырыр.
Тюзлюк тас болмайды.
Аууздан келген, къолдан келсе, ким да патчах болур эди.
Тойгъандан сора, ашны сёкме.
Аман къатын сабий табса, бий болур…
Ариу сёз – джаннга азыкъ, аман сёз – башха къазыкъ.
Юйюнг бла джау болгъандан эсе, элинг бла джау бол.
Артына баргъанны, къатына барма.
Ата – билек, ана – джюрек!
Джигер – джаннга къыйынлыкъ.
Игилик игилик бла сингдирилиучю затды.
Магъанасыз сёз – тауушсуз сыбызгъы.
Нарт сёз – тилни бети.
Чабакъ башындан чирийди.
Бир абыннган – минг сюрюнюр.
Хар адамгъа кеси миннген тау кибик.
Чабар ат – джетген къыз.
Экеу тутушса, биреу джыгъылыр.
Тулпарлыкъ, билекден тюл – джюрекден.
Ашын ашагъанынгы, башын да сыйла.
Къатын байлыкъны сюер, эр саулукъну сюер.
Эшекни не къадар тюйсенг да, ат болмаз.
Айтхан сёзюне табылгъан.
Ёгюзню мюйюзюнден тутадыла, адамны сёзюнден тутадыла.
Зар адам ашынгы ашар, кесинги сатар.
Бек анасы джыламаз.
Адам сёзюнден белгили.
Аман адам этегингден тутса, кес да къач.
Эл элде бирер малынг болгъандан эсе, бирер тенгинг болсун.
Аман къатын алгъан, арыр, иги къатын алгъан джарыр.
Дуния малгъа сатылма, кесингден телиге къатылма.
Иги бла джюрюсенг, джетерсе муратынга, аман бла джюрюсенг, къалырса уятха.
Къартны бурнун сюрт да, оноугъа тут.
Ата – баланы уясы.
Ауругъанны сау билмез, ач къарынны токъ билмез.
Этни да ашады, бетни да ашады.
Айырылгъанланы айю ашар, бёлюннгенлени бёрю ашар.
Джылыгъа джылан илешир.
Джети тилни билген джети кишиди.
Сёз – кюмюш, джыр – алтын.
Ашхы – джыяр, аман – джояр.
Ашхы болсанг, атынг чыгъар, аман болсанг, джанынг чыгъар.
Ач отунчуну ачыуу – бурнунда.
Телиге от эт десенг, юйюнге от салыр.
Насыб бютеу халкъны юлюшюдю.
Игини сыйлагъан адетди.
Тамырсыз терекге таянма – джыгъылырса.

Логин:
Пароль:
	Запомнить меня на этом компьютере

Забыли свой пароль?
Регистрация