- Билгенни къолу къарны джандырыр.
- Чакъырылмай келген къонакъ сыйланмай кетер.
- Ауузу бла къуш тута айланады.
- Джумушакъ терекни къурт ашар.
- Ана кёлю – балада, бала кёлю – талада.
- Джыйырма къойну юч джыйырма эбзе кюте эди.
- Чакъырылмагъан джерге барма, чакъырылгъан джерден къалма.
- Къатын къылыкъсыз, эр тынчлыкъсыз.
- Адам боллукъ, атламындан белгили болур.
- Хоншуну тауугъу къаз кёрюнюр, келини къыз кёрюнюр.
- Тик ёргени, тик энгишгеси да болады.
- Ашха уста, юйюнде болсун
- Баргъанынга кёре болур келгенинг.
- Болджал ишни бёрю ашар.
- Эки элинги тыйсанг, джети элде махталырса.
- Тил джюрекге джол ишлейди.
- Кёлю джокъну – джолу джокъ.
- Аджал соруб келмез, келсе, къайтыб кетмез.
- Ачлыкъда тары гырджын халыуадан татлы.
- Акъыллы эркиши атын махтар, акъылсыз эркиши къатынын махтар.
- Элиб деген, элге болушур.
- Ата – баланы уясы.
- Ариу – кёзге, акъыл – джюрекге.
- Атадан ёксюз – бир ёксюз, анадан ёксюз – эки ёксюз.
- Чомартны къолу берекет.
- Адамны сыфатына къарама, сёзюне къара.
- Джарашыу сюйген – джалынчакъ.
- Ханы къызы буюгъа-буюгъа киштик болду.
- Кюл тюбюндеги от кёрюнмейди.
- Зар адамны насыбы болмаз.
- Байлыкъ болгъан джерде, тынчлыкъ джокъду.
- Акъыл бла адеб эгизледиле.
- Джети тилни билген джети кишиди.
- Ашхы тенг джолгъа салыр, аман тенг джолдан тайдырыр.
- Тюзню ётмеги тюзде къалса да, тас болмаз.
- Аман эсирсе, юйюн ояр.
- Эл ауузу – элия.
- Ёпкелегенни ашы татлы болады.
- Къошда джокъгъа – юлюш джокъ.
- Башы джабылгъан челекге, кир тюшмез.
- Ишленмеклик адамлыкъды.
- Тёзгеннге, джабылгъан эшик ачылыр.
- Кютгени беш эчки, сызгъыргъаны уа, джерни джарады.
- Алим болгъандан эсе, адам болгъан къыйынды.
- Босагъагъа джууукъ орун болса, ашыгъыб тёрге озма.
- Кёб джат да, бек чаб.
- Ишин билген, аны сыйын чыгъарады.
- Тойгъан джерге джети къайт.
- Иги адамны бир сёзю эки болмаз.
- Адам сёзюнден белгили.
Профиль
|
Зайна
 Эльбрусоид
Cообщений: 45
Баллов: 22
Регистрация: 07.01.2012
Последний визит: 24.07.2013 03:03:23
|
|
||||||
|
|
|
||||||