- Арбаз сайлама да, хоншу сайла.
- Ургъан суудан башынгы сакъла.
- Кечеси – аяз, кюню – къыш, джарлы къаргъагъа бир аш тюш!
- Кёз – сюйген джерде, къол – ауругъан джерде.
- Дженгил джетерикме деб, узун джолну къоюб, къысхасын барма.
- Ашхы тенг джолгъа салыр, аман тенг джолдан тайдырыр.
- Танг атмайма десе да, кюн къоярыкъ тюйюлдю.
- Ата Джуртуму башы болмасам да, босагъасында ташы болайым.
- Эшекни не къадар тюйсенг да, ат болмаз.
- Ауузу аманнга «иги», деме.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бозанг болмагъан джерге, къалагъынгы сукъма.
- Таякъ этден ётер, тил сюекден ётер.
- Аз сёлешген, къайгъысыз турур.
- Босагъа таш юйге кирмей эди, тыбыр таш эшикге чыкъмай эди.
- Аманны эки битли тону болур, бирин сеннге кийдирир, бирин кеси киер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёнгкюч къууана барыр, джылай келир.
- Этни бети бла шорпасы.
- Къолунгдан къуймакъ ашатсанг да, атаны борчундан къутулмазса.
- Ашхылыкъ джерде джатмайды, аманлыкъ суугъа батмайды.
- Акъыл неден да кючлюдю.
- Эр сокъур болсун, къатын тилсиз болсун.
- Джиби бир къат джетмей эди да, эки къат тарта эди.
- Иги адам абынса да, джангылмаз.
- Аз сёлеш, кёб ишле.
- Ишлемеген – тишлемез.
- Къарыусузгъа кюлме, онгсузгъа тийме.
- Агъач халкъгъа алтынды, иссиликге салкъынды.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачыу алгъа келсе, акъыл артха къалады.
- Кёб къычыргъандан – къоркъма, тынч олтургъандан – къоркъ.
- Ёзденликни кёбю ётюрюк.
- Эрине къаргъыш этген къатын, эрнин къабар.
- Джарлыны эшигин махтагъан джабар.
- Джыйырма къойну юч джыйырма эбзе кюте эди.
- Айранын берсенг, челегин да къызгъанма.
- Ёлген эшек бёрюден къоркъмайды.
- Джырына кёре эжиую.
- Агъач – джерни чырайы, кийим – эрни чырайы.
- Шекер бла туз – бир болмаз, ушамагъан – юй болмаз.
- Ишлерге уял да, ашаргъа табма.
- Ашлыкъны арба юйге келтирир, чана базаргъа элтир.
- Телиге от эт десенг, юйюнге от салыр.
- Кёпюр салгъан кеси ётер, уру къазгъан кеси кетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Ариу – кёзге, акъыл – джюрекге.
- Адамны аманы адамны бети бла ойнар.
- Иги болса, тамадама – махтау, аман болса, меннге – айыб.
- Таула не мийик болсала да, аууш табылыр.
Профиль
|
|
|
|||