- Кёлсюзден сёзсюз тууар.
- Акъыл аздырмаз, билим тоздурмаз.
- Тешик этген тынчды, аны джамагъан къыйынды.
- Таукел къуру къалмаз.
- Эр абынмай, эл танымаз.
- Эл тойса, тоймагъан, эл къойса, къоймагъан.
- Тойну къарнашы – харс, джырны къарнашы – эжиу.
- Таугъа чыгъаллыкъ эсенг, тюзде къалма.
- Байлыкъдан саулукъ ашхыды.
- Билим насыб берир, билим джолну керир.
- Ашхы атаны – джашы ашхы, ашхы ананы – къызы ашхы.
- Джыйырма къойну юч джыйырма эбзе кюте эди.
- Кёз – сюйген джерде, къол – ауругъан джерде.
- Этим кетсе да, сюегим къалыр.
- Таукелге нюр джауар.
- Къонакъны къачан кетерин сорма, къачан келлигин сор.
- Ушамагъан – джукъмаз.
- Чомартны къолун джокълукъ байлар.
- Суу да къайтады чыкъгъан джерине.
- Аууз сакълагъан – джан сакълар.
- Иги сёз – джаннга азыкъ, аман сёз башха – къазыкъ.
- От этилмеген джерден тютюн чыкъмайды.
- Бети – къучакълар, джюреги – бычакълар.
- Телини эшигин, махтау джабар.
- Эшекни не къадар тюйсенг да, ат болмаз.
- Эшекге миннген – биринчи айыб, андан джыгъылгъан – экинчи айыб.
- Къартны сыйын кёрмеген, къартлыгъында сыйлы болмаз.
- Айран ичген – къутулду, джугъусун джалагъан – тутулду.
- Адеб базарда сатылмаз.
- Адам къаллай бир ишленмесе, аллай бир кесин уллу кёреди.
- Къартны бурнун сюрт да, оноугъа тут.
- Бал чибинни ургъаны – ачы, балы – татлы.
- Ауругъаннга – кийик саулукъ, джетген къызгъа – чилле джаулукъ.
- Аман адамны тепсинге олтуртсанг, къызынгы тилер.
- Алма терегинден кери кетмез.
- Чабар ат – джетген къыз.
- Ётюрюкден тюбю джокъ, кёлтюрюрге джиби джокъ.
- Ачыу алгъа келсе, акъыл артха къалады.
- Ат да турмайды бир териде.
- Агъач халкъгъа алтынды, иссиликге салкъынды.
- Халкъны юйю – туугъан джери.
- Тюзлюк тас болмайды.
- Иги болса, тамадама – махтау, аман болса, меннге – айыб.
- Элиб деген, элге болушур.
- Юй ишлеген балта эшикде къалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бастасын ашагъан, хантусун да ичер.
- Айтылгъан сёз ызына къайтмаз.
- Тилсиз миллет джокъ болур.
- Ётюрюкню башын керти кесер.
Профиль
|
|
|
|||