- Ушамагъан – джукъмаз.
- Насыблы элин сюер, насыбсыз кесин сюер.
- Къралынгы – душмандан, башынгы от бла суудан сакъла.
- Тил бла келеди джыр да.
- Гугук кесини атын айтыб къычыргъанча, мен, мен деб нек тураса?
- Тойгъа алгъа да барма, тойда артха да къалма.
- Адам къаллай бир ишленмесе, аллай бир кесин уллу кёреди.
- Эллинг бла джау болсанг да, юйюнг бла джау болма.
- Агъач – джерни чырайы, кийим – эрни чырайы.
- Ачыкъ джюрекге джол – ачыкъ.
- Итли къонакъ джарашмаз.
- Хатерли къул болур.
- Чомарт джарлы болмаз.
- Шайтан алдады, тюзлюк къаргъады.
- Чакъырылгъанны аты, чакъырылмагъанны багъасы болур.
- Юреннген ауруу къалмаз.
- Ёлюр джаннга, ёкюл джокъ.
- Эшекге миннген – биринчи айыб, андан джыгъылгъан – экинчи айыб.
- Окъугъан – асыу, окъумагъан – джарсыу.
- Аман адам этегингден тутса, кес да къач.
- Уллу къашыкъ эрин джыртар.
- Мухарны эси – ашарыкъда.
- Ана къойну – балагъа джандет.
- Билмегенинги, билгеннге сор.
- Ат басханны джер билед.
- Этим кетсе да, сюегим къалыр.
- Джырчы джырчыгъа – къарнаш.
- Адеб базарда сатылмаз.
- Иги сёз – джаннга азыкъ, аман сёз башха – къазыкъ.
- Чомартха хар кюн да байрамды.
- Билимли ёлмез, билимсиз кёрмез.
- Къулакъдан эсе, кёзге ышан.
- Мал тутхан – май джалар.
- Тойчу джашха къарама, къойчу джашха къара.
- «Ма», - дегенни билмесенг, «бер», - дегенни билмезсе.
- Зарда марда джокъ.
- Кёбге таш атма.
- Гитче джилтин уллу элни джандырыр.
- Къыз келсе, джумуш эте келеди, къатын келсе, ушакъ эте келеди.
- Ауругъаннга – кийик саулукъ, джетген къызгъа – чилле джаулукъ.
- Джолунга кёре – джюрюшюнг, джагъанга кёре – юлюшюнг.
- Аман къатын алгъан, арыр, иги къатын алгъан джарыр.
- Дуния малгъа сатылма, кесингден телиге къатылма.
- Иесиз малны бёрю ашар.
- Ёлген ийнек сютлю болур.
- Чабакъ башындан чирийди.
- Айранны сюйген, ийнек тутар.
- Аз айтсам, кёб ангылагъыз.
- Тенгни тенглиги джашай барсанг билинир.
- Чабар ат – джетген къыз.
Профиль
|
|
|
|||