- Намыс сатылыб алынмайды.
- Кюлме джашха – келир башха.
- Ауузу аманнга «иги», деме.
- Кечеси – аяз, кюню – къыш, джарлы къаргъагъа бир аш тюш!
- Къуру гыбыт бек дыгъырдар.
- Адебсиз адам – джюгенсиз ат.
- Къуллукъчума, деб махтанма, къуллукъ – хаух джамчыды!
- Эллинг бла джау болсанг да, юйюнг бла джау болма.
- Аз айтсам, кёб ангылагъыз.
- Алтыда кюлмеген, алтмышда кюлмез.
- Билмегенинги, билгеннге сор.
- Игиге айтсанг – билир, аманнга айтсанг – кюлюр.
- Аурууну келиую тынч, кетиую – къыйын.
- Тулпарлыкъ, билекден тюл – джюрекден.
- Ашыкъгъанны этеги бутуна чырмалыр.
- Айыбны суу бла джууалмазса.
- Элге къуллукъ этмеген, элге ие болмаз.
- Эки ойлашыб, бир сёлешген.
- Ичимден чыкъды хата, къайры барайым сата?
- Джюрекден джюрекге джол барды.
- Тенгинг джокъ эсе – изле, бар эсе – сакъла!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарын къуру болса, джюрек уру болур.
- Насыблы элин сюер, насыбсыз кесин сюер.
- Тас болгъан бычакъны сабы – алтын.
- Аджалсыз ёлюм болмаз.
- Джыгъылгъанны сырты джерден тоймаз.
- Оюмсуз атлагъан, аджалсыз ёлюр.
- Ойнай билмеген, уруб къачар.
- Ариуну – ауруу кёб.
- Адам къаллай бир ишленмесе, аллай бир кесин уллу кёреди.
- Телиге акъыл салгъандан эсе, ёлгеннге джан салырса.
- Къыз келсе, джумуш эте келеди, къатын келсе, ушакъ эте келеди.
- Келинни – келгинчи, бёркню кийгинчи кёр.
- Таш бла ургъанны, аш бла ур.
- Таугъа чыгъаллыкъ эсенг, тюзде къалма.
- Тил джюрекге джол ишлейди.
- Хатерли къул болур.
- Ышармагъан – кюлмез, кюлмеген – къууанчны билмез.
- Чабакъсыз кёлге къармакъ салгъанлыкъгъа, чабакъ тутмазса.
- Къолунгдан къуймакъ ашатсанг да, атаны борчундан къутулмазса.
- Акъыл неден да кючлюдю.
- Кёзню ачылгъаны – иги, ауузну джабылгъаны – иги.
- Чакъырылмагъан джерге барма, чакъырылгъан джерден къалма.
- Берекет берсин деген джерде, берекет болур.
- Уллу атлама – абынырса, уллу къабма – къарылырса.
- Нафысынгы айтханын этме, намысынгы айтханын эт.
- Къыйынлы джети элге оноу этер.
- Элиб деген, элге болушур.
- Джаш къарыу бла кючлю, къарт акъыл бла кючлю.
Профиль
|
.Ъ.
 Эльбрусоид
Cообщений: 111
Баллов: 88
Регистрация: 13.01.2012
Последний визит: 22.09.2018 20:02:34
|
|
||||||
|
|
|
||||||