- Кеси юйюмде мен да ханма.
- Эки къатын алгъанны къулагъы тынгнгаймаз.
- Акъыллы башны – тили къысха.
- Аман адам этегингден тутса, кес да къач.
- Эринчекни эр алмаз, эр алса да, кёл салмаз, кёл салса да, кёб бармаз!
- Кюлме джашха – келир башха.
- Ёпкелегенни ашы татлы болады.
- Окъумагъан сокъурду, сокъур ташха абыныр!
- Джангыз терек къынгыр ёсер.
- Ата Джуртча джер болмаз, туугъан элча эл болмаз.
- Башынга джетмегенни сорма.
- Ишлегенде эринме, ишде чолакъ кёрюнме.
- Элге къуллукъ этмеген, элге ие болмаз.
- Ач отунчуну ачыуу – бурнунда.
- Аманнга алтын чыдамаз.
- Къуру гыбыт бек дыгъырдар.
- Гитче джилтин уллу элни джандырыр.
- Тенгни тенглиги джашай барсанг билинир.
- Къайгъыны сюйген, къайгъы табар.
- Къыз тиширыу кеси юйюнде да къонакъды.
- Чабакъ башындан чирийди.
- Ышармагъан – кюлмез, кюлмеген – къууанчны билмез.
- Ёмюрлюк шохлукъну джел элтмез.
- Халкъгъа джарагъан, джарлы къалмаз.
- Къулакъдан эсе, кёзге ышан.
- Тил бла келеди джыр да.
- Кийимни бир кюнню аясанг, минг кюннге джарар.
- Бети бедерден, намыс сакълама.
- Кийимни бичсенг, кенг бич, тар этген къыйын тюлдю.
- Кюл тюбюндеги от кёрюнмейди.
- Акъдан къара болмаз.
- Экеу тутушса, биреу джыгъылыр.
- Суугъа – таянма, джаугъа – ийнанма.
- Чакъырылмагъан къонакъ тёрге атламаз.
- Кийиминг бла танылма, адамлыкъ бла таныл.
- Башланнган иш битер, къымылдагъан тиш тюшер.
- Кёл ашады да, кеси ашады.
- Кёз – сюйген джерде, къол – ауругъан джерде.
- Эринчекге кюн узун.
- Эшекге миннген – биринчи айыб, андан джыгъылгъан – экинчи айыб.
- Хар адамгъа кеси миннген тау кибик.
- Ариу сёзде ауруу джокъ.
- Aдам боллукъ, сыфатындан белгили.
- Тилде сюек болмаса да, сюек сындырыр.
- Тил – кесген бычакъ, сёз – атылгъан окъ.
- Бичгенде ашыкъма, тикгенде ашыкъ.
- Уллу айтханны этмеген – уллаймаз.
- Эл ауузу – элия.
- Адеби болмагъан къыз – тузсуз хант.
- Тюз сёз баргъан сууну тыяр.
Профиль
|
.Ъ.
 Эльбрусоид
Cообщений: 111
Баллов: 88
Регистрация: 13.01.2012
Последний визит: 22.09.2018 20:02:34
|
|
||||||
|
|
|
||||||