- Эки итни арасына сюек атма, эки адамны арасында сёз чыгъарма.
- Уллу суу бла уллу ауруудан башынгы сакъла.
- «Ма», - дегенни билмесенг, «бер», - дегенни билмезсе.
- Ариу джол аджал келтирмез.
- Керти сёзге тёре джокъ.
- Кёб джат да, бек чаб.
- Илму – джашауну джолу.
- Баланы адам этген анады.
- Оюмсуз атлагъан, аджалсыз ёлюр.
- Ёлмесенг да, къарт дамы болмазса?
- Къыйынлы джети элге оноу этер.
- Бозанг болмагъан джерге, къалагъынгы сукъма.
- Артына баргъанны, къатына барма.
- Тамбла алтындан бюгюн багъыр ашхы.
- Къайгъы тюбю – тенгиз.
- Рысхы – сют юсюнде кёмюк кибикди.
- Эрине къаргъыш этген къатын, эрнин къабар.
- Тынгылагъан тынгы бузар.
- Къоркъакъны кёзю экили кёрюр.
- Алим болгъандан эсе, адам болгъан къыйынды.
- Рысхысына кёре, джаш ёсер, къышлыгъына кёре, мал ёсер.
- Ишлегенден, къарагъан уста.
- Ханы къызы буюгъа-буюгъа киштик болду.
- Агъач – джерни чырайы, кийим – эрни чырайы.
- Хазыр ашха – терен къашыкъ.
- Ач уят къоймаз.
- Тёзгеннге, джабылгъан эшик ачылыр.
- Иши джокъну, сыйы джокъ.
- Тойгъа алгъа да барма, тойда артха да къалма.
- Бичгенде ашыкъма, тикгенде ашыкъ.
- Чарсда алчыны эл кёреди.
- Экиндини кеч къылсанг, чабыб джетер ашхам.
- Билим къая тешер.
- Сагъышы джокъ – джукъучу, акъылы джокъ – къаугъачы.
- Мадар болса, къадар болур.
- Сёз сёзню айтдырыр.
- Сабий болмагъан джерде, мёлек болмаз.
- Киштикге къанат битсе, чыпчыкъ къалмаз эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мал ёлсе, сюек къалыр, адам ёлсе, иши къалыр.
- Чомарт бергенин айтмаз.
- Башда акъыл болмаса, эки аякъгъа кюч джетер.
- Ачлыкъда тары гырджын халыуадан татлы.
- Сууда джау джокъ, кёб сёзде магъана джокъ.
- Адамны бетине къарама, адетине къара.
- Къаллай салам берсенг, аллай джууаб алырса.
- Билеги кючлю, бирни джыгъар, билими кючлю, мингни джыгъар.
- Ашхы – джыяр, аман – джояр.
- Билмезни кёзю кёрмез, этмезни къулагъы эшитмез.
- Ётюрюкчюню шагъаты – къатында.
Профиль
|
|
|
|||