Эльбрусоид :: Форум

Билеги кючлю, бирни джыгъар, билими кючлю, мингни джыгъар.
Ётюрюкню къуйругъу – бир тутум.
Татлы тилде – сёз ариу, чемер къолда – иш ариу.
Къайгъыны сюйген, къайгъы табар.
Эм уллу байлыкъ – джан саулукъ.
Битмегеннге сакъал – танг.
Бастасын ашагъан, хантусун да ичер.
Къоркъакъны кёзю экили кёрюр.
Адам къаллай бир ишленмесе, аллай бир кесин уллу кёреди.
Айыбны суу бла джууалмазса.
Кийимни бичсенг, кенг бич, тар этген къыйын тюлдю.
Джаханимни кёрмей, джандетге кёл салмазса.
Гугурук къычырмаса да, тангны атары къалмаз.
Игиге айтсанг – билир, аманнга айтсанг – кюлюр.
Айтхан сёзюне табылгъан.
Мухарны эси – ашарыкъда.
Джангыз терек къынгыр ёсер.
Джюз элде джюз ёгюзюм болгъандан эсе, джюз джууугъум болсун.
Тил джюрекге джол ишлейди.
Ёпкелегенни ашы татлы болады.
Ач къарынны, токъ билмез
Чыбыкълыкъда бюгюлмеген, къазыкълыкъда бюгюлмей эди.
Къарыусузгъа кюлме, онгсузгъа тийме.
Джетген къыз джерли эшекни танымаз.
Бек анасы джыламаз.
Тёрдеги кюлсе, эшикдеги ышарыр.
Кийим тукъум сордурур.
Къобан да къуру да къобханлай турмайды, адам да къуру да патчахлай турмайды.
Ашлыкъны арба юйге келтирир, чана базаргъа элтир.
Тенгинг джокъ эсе – изле, бар эсе – сакъла!
Джигер – джаннга къыйынлыкъ.
Аманнга да, игиге да оноусуз къатышма.
Джукъу тёшек сайламайды.
Аш хазыр болса, иш харам болур.
Уллу къазанда бишген эт, чий къалмаз.
Ишлерге уял да, ашаргъа табма.
Ата Джуртча джер болмаз, туугъан элча эл болмаз.
Къайтырыкъ эшигинги, къаты уруб чыкъма.
Ётюрюкчюню шагъаты – къатында.
Джырчы ёлсе, джыры къалыр.
Чакъырылгъанны аты, чакъырылмагъанны багъасы болур.
Ачыкъ джюрекге джол – ачыкъ.
Ашда уялгъан – мухар, ишде уялгъан – хомух.
Тойгъа алгъа да барма, тойда артха да къалма.
Тура эдим джата, къайдан чыкъды хата?
Зар адамны насыбы болмаз.
Билмегенинги, билгеннге сор.
Джерни букъусу кёкге къонмаз.
Эл ауузу – элек, анга ийнаннган – халек.
Кийимни бир кюнню аясанг, минг кюннге джарар.

Логин:
Пароль:
	Запомнить меня на этом компьютере

Забыли свой пароль?
Регистрация