Эльбрусоид :: Форум

Кёл – къызбай, къол – батыр.
Адеби болмагъан къыз – тузсуз хант.
Бек ашыкъгъан меннге джетсин, дегенди аракъы.
Аз сёлешген, къайгъысыз турур.
Ашарыкъда сайлагъаннга – чий гырджын.
Аман къатын сабий табса, бий болур…
Керек ташны ауурлугъу джокъ.
Аманнга алтын чыдамаз.
Рысхы – насыбха къор.
Къонакъ аз олтурур, кёб сынар.
Таукел тауну аудурур.
Аджал соруб келмез, келсе, къайтыб кетмез.
Ауузу бла къуш тута айланады.
Аманны эки битли тону болур, бирин сеннге кийдирир, бирин кеси киер.
Ичимден чыкъды хата, къайры барайым сата?
Иши джокъну, сыйы джокъ.
Чабакъ башындан чирийди.
Эшекге миннген – биринчи айыб, андан джыгъылгъан – экинчи айыб.
Баш – акъыл ючюн, акъылман – халкъ ючюн.
Бир абыннган – минг сюрюнюр.
Чабакъгъа акъыл, табагъа тюшсе келеди.
Гугук кесини атын айтыб къычыргъанча, мен, мен деб нек тураса?
Зарда марда джокъ.
Хунаны тюбюн къазсанг, юсюнге ауар.
Нёгерсизни джолу узун.
Агъач – джерни чырайы, кийим – эрни чырайы.
Джангыз торгъай джырламаз.
Эки къатын алгъан – эки ташны ортасына башын салгъан.
Айран тёгюлсе, джугъусу къалыр.
Адамны аты башхача, акъылы да башхады.
Хоншуну тауугъу къаз кёрюнюр, келини къыз кёрюнюр.
Аз айтсам, кёб ангылагъыз.
Келинни – келгинчи, бёркню кийгинчи кёр.
Къуллукъчума, деб махтанма, къуллукъ – хаух джамчыды!
Иги сёз – джаннга азыкъ, аман сёз башха – къазыкъ.
Сёз сёзню айтдырыр.
Ана кёлю – балада, бала кёлю – талада.
Аман хансны – урлугъу кёб.
Окъуусуз билим – джокъ, билимсиз кюнюнг – джокъ.
Хар ишни да аллы къыйынды.
Джыланны къуйругъундан басарынг келсе, аны башы болгъанын унутма.
Шекер бла туз – бир болмаз, ушамагъан – юй болмаз.
Джеринден айырылгъан – джети джылар, джуртундан айырылгъан – ёлгюнчю джылар.
Иги болса, тамадама – махтау, аман болса, меннге – айыб.
Джашынгы кесинг юретмесенг, джашау юретир.
Къыз келсе, джумуш эте келеди, къатын келсе, ушакъ эте келеди.
Ойнаб айтсанг да, эслеб айт.
Къатын байлыкъны сюер, эр саулукъну сюер.
Байны оноуу, джарлыгъа джарамаз.
Кёб къычыргъандан – къоркъма, тынч олтургъандан – къоркъ.

Логин:
Пароль:
	Запомнить меня на этом компьютере

Забыли свой пароль?
Регистрация