- Ойнай билмеген, уруб къачар.
- Айтылгъан сёз ызына къайтмаз.
- Аджал соруб келмез, келсе, къайтыб кетмез.
- Эшекни не къадар тюйсенг да, ат болмаз.
- Аман къатын алгъан, арыр, иги къатын алгъан джарыр.
- Джерни букъусу кёкге къонмаз.
- Акъыл сабырлыкъ берир.
- Окъдан джара эртде-кеч болса да бителир, сёз джара, ёмюрге къалыр.
- Адамгъа аман кюн соруб келмейди.
- Тойгъанлыкъ къойгъа джарашады.
- Ачыу алгъа келсе, акъыл артха къалады.
- Чоюнну башы ачыкъ болса, итге уят керекди.
- Кёб къычыргъандан – къоркъма, тынч олтургъандан – къоркъ.
- Бет бетге къараса, бет да джерге къарар.
- Эркишиге тары кебек танг кёрюнюр.
- Джаш болсун, къыз болсун, акъылы, саны тюз болсун.
- Ач келгенни – тойдур, кеч келгенни – къондур.
- Ариу сёз джыланны орнундан чыгъарыр.
- Билим насыб берир, билим джолну керир.
- Ариу сёзде ауруу джокъ.
- Ашына кёре табагъы, балына кёре къалагъы.
- Агъач халкъгъа алтынды, иссиликге салкъынды.
- Аджашханны ызындагъы кёреди, джангылгъанны джанындагъы биледи.
- Сютню башын джалагъан къутулур, тюбюн ичген тутулур.
- Ушамагъан – джукъмаз.
- Ёлюк кебинсиз къалмаз.
- Ашатыргъа иш – ашхы, ишлетирге аш – ашхы.
- Тилсиз миллет джокъ болур.
- Эрине къаргъыш этген къатын, эрнин къабар.
- Арыгъан къош чамчы болур.
- Ата Джуртун танымагъан, атасын да танымаз.
- Бозаны арты дауур болур.
- Алма терегинден кери кетмез.
- Эри аманны, къатыны – аман.
- Тыш элде солтан болгъандан эсе, кесинги элде олтан болгъан игиди!
- Къонакъ кёб келюучю юйню, къазаны отдан тюшмез.
- Ариуну – ауруу кёб.
- Олтуруб кёрюнмей эди да, ёрге туруб кёрюне эди.
- Къар – келтирди, суу – элтди.
- Киштикге къанат битсе, чыпчыкъ къалмаз эди.
- Къолу уллу – асыу, аягъы уллу – джарсыу.
- Башы ишлегенни, ауузу да ишлер.
- Онгсузну – джакъла, тенгликни – сакъла.
- Чёбню кёлтюрсенг, тюбюнден сёз чыгъар.
- Эринчекге кюн узун.
- Агъач – джерни чырайы, кийим – эрни чырайы.
- Татлы тилде – сёз ариу, чемер къолда – иш ариу.
- Адамны джюреги нени кёрюрге сюйсе, кёзю да аны кёрюрге ёч болады.
- Асхат ашлыкъ сата, юйдегиси ачдан къата.
- Эл ауузу – элия.
Профиль
|
Лоя
 Эльбрусоид
Cообщений: 729
Баллов: 583
Регистрация: 25.01.2012
Последний визит: 01.08.2015 01:43:55
|
 |
|||
|
|
|
|||