Эльбрусоид :: Форум :: СОХТАблаЖЁРМЕ

Чомартха Тейри да борчлуду.
Джюрекден джюрекге джол барды.
Арбаз къынгырды да, ийнек сауалмайма.
Таш ата билмеген, башына урур.
Зар адамны насыбы болмаз.
Ашаса, ашамаса да, бёрюню ауузу – къан.
Кёрмегеннге кебек – танг, битмегеннге сакъал – танг.
Алтыда кюлмеген, алтмышда кюлмез.
Ханы къызы буюгъа-буюгъа киштик болду.
Ач къалгъандан, кеч къалгъан къолай.
Бал – татлы, балдан да бала – татлы.
Ишлерге уял да, ашаргъа табма.
Джукъу тёшек сайламайды.
Бир абыннган – минг сюрюнюр.
Ачыу алгъа келсе, акъыл артха къалады.
Тёрени джагъы джокъ.
Къыйынлы джети элге оноу этер.
Сёз садакъдан кючлюдю.
Кёл ашады да, кеси ашады.
Къатын байлыкъны сюер, эр саулукъну сюер.
Аууз сакълагъан – джан сакълар.
Эркиши – от, тиширыу – суу.
Халкъны джырын джырласанг, халкъ санга эжиу этер.
Нарт сёз – тилни бети.
Рысхы – насыбха къор.
Байлыкъ адамны сокъур этер.
Адамны аманы адамны бети бла ойнар.
Игини сыйлагъан адетди.
Ат басханны джер билед.
Хунаны тюбюн къазсанг, юсюнге ауар.
Сакъ юйюне сау барыр.
Ишленмеклик адамлыкъды.
Ашлыкъны арба юйге келтирир, чана базаргъа элтир.
Бёрю да ач къалмасын, эчки да ашалмасын.
Ёзденликни джайгъан – джокълукъ.
Ашына кёре табагъы, балына кёре къалагъы.
Эрине къаргъыш этген къатын, эрнин къабар.
Ачыкъ джюрекге джол – ачыкъ.
Ётюрюкню къуйругъу – бир тутум.
Аджашхан тёгерек айланыр.
Хар сёзню орну барды.
Иги сёз – джаннга азыкъ, аман сёз башха – къазыкъ.
Тилсиз миллет джокъ болур.
Aдам боллукъ, сыфатындан белгили.
Огъурлуну сёзю – суу, огъурсузну сёзю – уу.
Кёз – сюйген джерде, къол – ауругъан джерде.
Экеу тутушса, биреу джыгъылыр.
Къартны бурнун сюрт да, оноугъа тут.
Экеулен сёлеше тура эселе, орталарына барыб кирме.
Элни кючю – эмеген.

Логин:
Пароль:
	Запомнить меня на этом компьютере

Забыли свой пароль?
Регистрация