Эльбрусоид :: Форум :: СОХТАблаЖЁРМЕ

Атлыны ашхысы, ат тизгининден билинир
Ханнга да келеди хариблик.
Къартны бурнун сюрт да, оноугъа тут.
Тиширыусуз юй – отсуз от джагъа.
Хазыр ашха – терен къашыкъ.
Ата – билек, ана – джюрек!
Таукел къуру къалмаз.
Уллу къашыкъ эрин джыртар.
Адебни адебсизден юрен.
Окъ къызбайны джокълайды.
Чомартны къолун джокълукъ байлар.
Махтаннган къыз, тойда джукълар.
Айтхан сёзюне табылгъан.
Берекет берсин деген джерде, берекет болур.
Къазанда болса, чолпугъа чыгъар.
Атадан ёксюз – бир ёксюз, анадан ёксюз – эки ёксюз.
Ичимден чыкъды хата, къайры барайым сата?
Кийимни бир кюнню аясанг, минг кюннге джарар.
Айтылгъан буйрукъ, сёгюлмез
Аман хансны – урлугъу кёб.
Джарлыны тону джаз битер.
Ана кёлю – балада, бала кёлю – талада.
Джол бла сёзню къыйыры джокъ.
Аман къатын алгъан, арыр, иги къатын алгъан джарыр.
Булут кёкге джарашыу, уят бетге джарашыу.
Джарлыны эшигин махтагъан джабар.
Кесинг сынамагъан затны, адамгъа буюрма.
Арбаз сайлама да, хоншу сайла.
Джаш болсун, къыз болсун, акъылы, саны тюз болсун.
Телиге акъыл салгъандан эсе, ёлгеннге джан салырса.
Къайтырыкъ эшигинги, къаты уруб чыкъма.
Айранын берсенг, челегин да къызгъанма.
Джюз элде джюз ёгюзюм болгъандан эсе, джюз джууугъум болсун.
Сакъламагъан затынга джолукъсанг, не бек къууанаса, не бек ачыйса.
Агъач халкъгъа алтынды, иссиликге салкъынды.
Башы джабылгъан челекге, кир тюшмез.
Джашынгы кесинг юретмесенг, джашау юретир.
Джети тилни билген джети кишиди.
Сёз сёзню айтдырыр.
Келгинчи, къонакъ уялыр, келгенден сора, къонакъбай уялыр.
Танг атмайма десе да, кюн къоярыкъ тюйюлдю.
Аманны къуугъан, аманлыкъ табар.
Кенгеш болса, уруш болмаз.
Къар – келтирди, суу – элтди.
Дууулдаса – бал чибин, къонса – къара чибин.
Ёлген аслан – сау чычхан.
Гугурук къычырмаса да, тангны атары къалмаз.
Битмегеннге сакъал – танг.
Ишлерге уял да, ашаргъа табма.
Харам къарнашдан, халал тенг ашхы.

Логин:
Пароль:
	Запомнить меня на этом компьютере

Забыли свой пароль?
Регистрация