Эльбрусоид :: Форум :: СОХТАблаЖЁРМЕ

Кюн кёрмеген, кюн кёрсе, кюндюз чыракъ джандырыр.
Ач уят къоймаз.
Джарлы джети элни сёзюн этер.
Илму – джашауну джолу.
Хар сёзню орну барды.
Аууз сакълагъан – джан сакълар.
Ашарыкъда сайлагъаннга – чий гырджын.
Атлыны кёрсе, джаяуну буту талыр.
Кёл ашады да, кеси ашады.
Хар зат кесини орнуна иги.
Гитче джилтин уллу элни джандырыр.
Игиге айтсанг – билир, аманнга айтсанг – кюлюр.
Акъыл аздырмаз, билим тоздурмаз.
Ишлегенден, къарагъан уста.
Иги сёз – джаннга азыкъ, аман сёз башха – къазыкъ.
Хансыз джомакъ болмаз.
Джыланны къуйругъундан басарынг келсе, аны башы болгъанын унутма.
Эки къатын алгъанны къулагъы тынгнгаймаз.
Уллу суу бла уллу ауруудан башынгы сакъла.
Таула не мийик болсала да, аууш табылыр.
Кийим тукъум сордурур.
Джахил болса анасы, не билликди баласы?
Аджаллыгъа окъсуз шкок атылыр.
Уллу сёлешме да, уллу къаб.
Дуния мал дунияда къалады.
Берекет берсин деген джерде, берекет болур.
Урама да – ёледи, сатама да – келеди.
Тюзлюк шохлукъну бегитир.
Иги болса, тамадама – махтау, аман болса, меннге – айыб.
Биреу ашаб къутулур, биреу джалаб тутулур.
Гыдай эчки суугъа къараб, мюйюзле кёрмесе, джашма алкъын, дегенди.
Аманны эки битли тону болур, бирин сеннге кийдирир, бирин кеси киер.
Къанны къан бла джуума, аманны аман бла къуума.
Биреуню тёрюнден, кесинги эшик артынг игиди.
Билмегенинги, билгеннге сор.
Тёрдеги кюлсе, эшикдеги ышарыр.
Къалгъан ишге къар джауар.
Тили узунну, намысы – къысха.
Эски джаугъа ышанма.
Ойнай-ойнай кёз чыгъар.
Эринчекни аурууу – кёб.
Игини сыйлагъан адетди.
Акъыллы эркиши атын махтар, акъылсыз эркиши къатынын махтар.
Рысхы джалгъанды: келген да этер, кетген да этер.
Эркиши – от, тиширыу – суу.
Байма, деб да, къууанма, джарлыма, деб да, джылама.
Суу кетер, таш къалыр.
Аш иеси бла татлыды.
Къыйынлы джети элни къайгъысын этер.
Айраннга суу къош, телиге джол бош.

Логин:
Пароль:
	Запомнить меня на этом компьютере

Забыли свой пароль?
Регистрация