- Бетинги сатма, малынгы сат.
- Чомартны къолу берекет.
- Эртде тургъан бла эртде юйленнген сокъуранмаз.
- Башынга джетмегенни сорма.
- Чабакъ башындан чирийди.
- Ач уят къоймаз.
- Арыгъан къош чамчы болур.
- Ашыкъгъанны этеги бутуна чырмалыр.
- Уллу къазанда бишген эт, чий къалмаз.
- Тойгъан антын унутур.
- Джаханимни кёрмей, джандетге кёл салмазса.
- Аманнга игилик этсенг, юйюнге сау бармазса.
- Элиб деген, элге болушур.
- Тёрени джагъы джокъ.
- Ач къалгъандан, кеч къалгъан къолай.
- Тилчиден кери бол.
- Акъыл къартда, джашда тюйюлдю – башдады.
- Акъыл бла адеб эгизледиле.
- Ачыкъ джюрекге джол – ачыкъ.
- Сормай – алма, чакъырылмай – барма.
- Байлыкъ келсе, акъыл кетер.
- Билим насыб берир, билим джолну керир.
- Кесинг сынамагъан затны, адамгъа буюрма.
- Хар ишни да аллы къыйынды.
- Бир онгсуз адам адет чыгъарды, деб эштирик тюлсе.
- Акъыл неден да кючлюдю.
- Кёбню кёрген – кёб билир.
- Къарт болгъан джерде, берекет болур, сабий болгъан джерде, оюн болур.
- Чомарт къонакъ юй иесин сыйлар.
- Эртде тургъан джылкъычыны эркек аты тай табар.
- Танг атмайма десе да, кюн къоярыкъ тюйюлдю.
- Агъач халкъгъа алтынды, иссиликге салкъынды.
- Къонагъынгы артмагъын алма да, алгъышын ал.
- Суу ичген шауданынга тюкюрме.
- Кесине гебен этелмеген, биреуге черен эте эди.
- Кёзню ачылгъаны – иги, ауузну джабылгъаны – иги.
- Къуллукъчума, деб махтанма, къуллукъ – хаух джамчыды!
- Айраннга суу къош, телиге джол бош.
- Къызбайны юйюне дери сюрсенг, батыр болур.
- Тёзгеннге, джабылгъан эшик ачылыр.
- Къыз чыгъаргъан – къызыл къымжа.
- Уллу къашыкъ эрин джыртар.
- Тилчи бир сагъатха айлыкъ хата этер.
- Келинни – келгинчи, бёркню кийгинчи кёр.
- Тойгъа алгъа да барма, тойда артха да къалма.
- Ариуну – ауруу кёб.
- Сангырау къулакъ эл бузар.
- Байлыкъ тауусулур, билим тауусулмаз.
- Окъумагъан сокъурду, сокъур ташха абыныр!
- Эте билген, этген этеди, эте билмеген, юретген этеди!
Профиль
|
|
|
|||