- Джангыз торгъай джырламаз.
- Кёб къычыргъандан – къоркъма, тынч олтургъандан – къоркъ.
- Къарны аманнга къазан такъдырма, къолу аманнга от джакъдырма.
- Туз, гырджын аша, тюзлюк бла джаша.
- Магъанасыз сёз – тауушсуз сыбызгъы.
- Ётген ёмюр – акъгъан суу.
- Кёлсюзден сёзсюз тууар.
- Къулакъдан эсе, кёзге ышан.
- Бал ашаргъа сюе эсенг, чибин ургъаннга тёз.
- Чомарт джарлы болмаз.
- Элде адам къалмаса, ит тахтагъа минер.
- Тойчу джашха къарама, къойчу джашха къара.
- Келгинчи, къонакъ уялыр, келгенден сора, къонакъбай уялыр.
- Къонакъ аман болса, къонакъбай джунчур
- Къая джолда джортма, ачыкъ сёзден къоркъма.
- Къууут – джелге, берне – бошха.
- Мал кёб болса, джууукъ кёб болур.
- Акъыл бла адеб эгизледиле.
- Адам сёзге тынгыла, акъыл сёзню ангыла.
- Уллу суу бла уллу ауруудан башынгы сакъла.
- Биреуге аманлыкъны тилеме да, кесинге ашхылыкъны тиле.
- Юйюнг бла джау болгъандан эсе, элинг бла джау бол.
- Къан бла кирген, джан бла чыгъар.
- Адебсиз адам – джюгенсиз ат.
- Тенги кёбню джау алмаз, акъылы кёбню дау алмаз.
- Аякъларынгы джууургъанынга кёре узат.
- Алма терегинден кери кетмез.
- Хатерли къул болур.
- Башы джабылгъан челекге, кир тюшмез.
- Ёзденликни кёбю ётюрюк.
- Къызны минг тилер, бир алыр.
- Тойгъан джерден туугъан джер игиди.
- Къарт бла баш аша, джаш бла аякъ аша.
- Гыдай эчки суугъа къараб, мюйюзле кёрмесе, джашма алкъын, дегенди.
- Джашда акъыл джокъ, къартда къарыу джокъ.
- Къызбайны юйюне дери сюрсенг, батыр болур.
- Ата джурт – алтын бешик.
- Накъырданы арты керти болур.
- Суу да къайтады чыкъгъан джерине.
- Ач уят къоймаз.
- Къарт болгъан джерде, берекет болур, сабий болгъан джерде, оюн болур.
- Ашхы атаны – джашы ашхы, ашхы ананы – къызы ашхы.
- Эл бла кёргенинг эрелей.
- Ашда – бёрю, ишде – ёлю.
- Къазанны башы ачыкъ болса, итге уят керекди.
- Сабийликде юретмесенг, уллу болса – тюзелмез.
- Аманнга да, игиге да оноусуз къатышма.
- Чакъырылмагъан джерге барма, чакъырылгъан джерден къалма.
- Ургъан суудан башынгы сакъла.
- Айтылгъан буйрукъ, сёгюлмез
Профиль
|
|
|
|||