- Уллу атлама – абынырса, уллу къабма – къарылырса.
- Джуртун къоругъан озар.
- Телиге акъыл салгъандан эсе, ёлгеннге джан салырса.
- Хар ишни да аллы къыйынды.
- Кийим тукъум сордурур.
- Къызгъанчдан ычхыныр, мухардан ычхынмаз.
- Ауузу бла къуш тута айланады.
- Уллу къашыкъ эрин джыртар.
- Ёлюк кебинсиз къалмаз.
- Баш болса, бёрк табылыр.
- Кёбге таш атма.
- Аууздан келген, къолдан келсе, ким да патчах болур эди.
- Чабакъгъа акъыл, табагъа тюшсе келеди.
- Кюлме джашха – келир башха.
- Ата Джуртун танымагъан, атасын да танымаз.
- Ашхы тенг джолгъа салыр, аман тенг джолдан тайдырыр.
- Ач уят къоймаз.
- Аджаллыгъа окъсуз шкок атылыр.
- Аджалсыз ёлюм болмаз.
- Тамбла алтындан бюгюн багъыр ашхы.
- Аджал соруб келмез, келсе, къайтыб кетмез.
- Таукел къуру къалмаз.
- Алтыннга тот къонмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Эркишиге тары кебек танг кёрюнюр.
- Ач – эснер, ат – кишнер.
- Айтылгъан сёз ызына къайтмаз.
- Сагъышы джокъ – джукъучу, акъылы джокъ – къаугъачы.
- Бичгенде ашыкъма, тикгенде ашыкъ.
- Эшекни не къадар тюйсенг да, ат болмаз.
- Aдам боллукъ, сыфатындан белгили.
- Тойчу джашха къарама, къойчу джашха къара.
- Ишлемеген – тишлемез.
- Адебсиз адам – джюгенсиз ат.
- Джыгъылгъанны сырты джерден тоймаз.
- Баланы адам этген анады.
- Аманнга алтын чыдамаз.
- Ана – юйню кюн джарыгъы.
- Игини сыйлагъан адетди.
- Этим кетсе да, сюегим къалыр.
- Ашатыргъа иш – ашхы, ишлетирге аш – ашхы.
- Кесинг сынамагъан затны, адамгъа буюрма.
- Таякъ этден ётер, тил сюекден ётер.
- Орундукъ тюбюнде атылсам да, орта джиликме, де да айлан.
- Ханы къызы буюгъа-буюгъа киштик болду.
- Алтыда кюлмеген, алтмышда кюлмез.
- Аман адамны тепсинге олтуртсанг, къызынгы тилер.
- Бек ашыкъгъан меннге джетсин, дегенди аракъы.
- Дженгил джетерикме деб, узун джолну къоюб, къысхасын барма.
- Аджашхан тёгерек айланыр.
Профиль
|
bir djash
 Эльбрусоид
Cообщений: 289
Баллов: 231
Регистрация: 30.03.2012
Последний визит: 03.03.2017 21:41:15
|
|
||||||
|
|
|
||||||