Эльбрусоид :: Форум :: Хаджимурат

Сормай – алма, чакъырылмай – барма.
Акъыллы айтыр эди, акъылсыз къоймайды.
Джаз бир кюнню джатсанг, къыш талай кюнню абынырса.
Тели турса – той бузар.
Билген билмегенни юретген адетди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Иги джашны ышаны – аз сёлешиб, кёб тынгылар.
Ётюрюкню къуйругъу – бир тутум.
Сыфатында болмагъаны, суратында болмаз.
Чакъырылмагъан джерге барма, чакъырылгъан джерден къалма.
Ачыкъ джюрекге джол – ачыкъ.
Ашлыкъны арба юйге келтирир, чана базаргъа элтир.
Ишлемеген – тишлемез.
Кёб къычыргъандан – къоркъма, тынч олтургъандан – къоркъ.
Ишге юренсин къоллары, халкъ бла болсун джоллары.
Ёмюрлюк шохлукъну джел элтмез.
Рысхы – насыбха къор.
Байлыкъ келсе, акъыл кетер.
Тас болгъан бычакъны сабы – алтын.
Орну джокъну – сыйы джокъ.
Уясында не кёрсе, учханында аны этер.
Телиге от эт десенг, юйюнге от салыр.
Акъыл къартда, джашда тюйюлдю – башдады.
Керти сёзге тёре джокъ.
Ишлегенден, къарагъан уста.
Таякъ этден ётер, тил сюекден ётер.
Тюзлюк шохлукъну бегитир.
Арпа, будай – ащды, алтын, кюмюш а – ташды.
Огъурлуну сёзю – суу, огъурсузну сёзю – уу.
Адам къаллай бир ишленмесе, аллай бир кесин уллу кёреди.
Джогъун бар этген, барын бал этген.
Адеби болмагъан къыз – тузсуз хант.
Адамгъа аман кюн соруб келмейди.
Башда акъыл болмаса, эки аякъгъа кюч джетер.
Джарлыны тону джаз битер.
Джол бла сёзню къыйыры джокъ.
Къызны минг тилер, бир алыр.
Айраннга суу къош, телиге джол бош.
Къанны къан бла джуума, аманны аман бла къуума.
Байлыкъдан саулукъ ашхыды.
Ач келгенни – тойдур, кеч келгенни – къондур.
Къыйынлы джети элге оноу этер.
Къоркъакъны кёзю экили кёрюр.
Тилде сюек болмаса да, сюек сындырыр.
Эринчекни аурууу – кёб.
Билими азны – ауузунда кирит.
Айтылгъан сёз ызына къайтмаз.
Эки ойлашыб, бир сёлешген.
Джетген къыз джерли эшекни танымаз.
Сескекли кесин билдирир.

Логин:
Пароль:
	Запомнить меня на этом компьютере

Забыли свой пароль?
Регистрация