- Таукелге нюр джауар.
- Ата Джуртуму башы болмасам да, босагъасында ташы болайым.
- Айраннга суу къош, телиге джол бош.
- Джетген къыз джерли эшекни танымаз.
- Ашлыкъны арба юйге келтирир, чана базаргъа элтир.
- Кесине гебен этелмеген, биреуге черен эте эди.
- Киштикге къанат битсе, чыпчыкъ къалмаз эди.
- Ариуну – ауруу кёб.
- Ата – билек, ана – джюрек!
- Уллу къашыкъ эрин джыртар.
- Ачны эсинде – аш.
- Сёз – кюмюш, джыр – алтын.
- От этилмеген джерден тютюн чыкъмайды.
- Билгенни къолу къарны джандырыр.
- Кёбню кёрген – кёб билир.
- Тойгъа барсанг, тоюб бар, эски тонунгу къоюб бар.
- Аш иеси бла татлыды.
- Магъанасыз сёз – тауушсуз сыбызгъы.
- Ата Джуртча джер болмаз, туугъан элча эл болмаз.
- Адамны бетине къарама, адетине къара.
- Аман къатын сабий табса, бий болур…
- Дуния мал дунияда къалады.
- Къайгъыны сюйген, къайгъы табар.
- Татлы тилде – сёз ариу, чемер къолда – иш ариу.
- Окъугъан – асыу, окъумагъан – джарсыу.
- Джюрекге ариу – кёзге да ариу.
- Таш ата билмеген, башына урур.
- Айтылгъан сёз ызына къайтмаз.
- Адам сёзге тынгыла, акъыл сёзню ангыла.
- Мени джылытмагъан кюн, меннге тиймесин!
- Ханнга да келеди хариблик.
- Ёнгкюч къууана барыр, джылай келир.
- Эшекге миннген – биринчи айыб, андан джыгъылгъан – экинчи айыб.
- Сабийни джумушха джибер да, ызындан бар.
- Къууут – джелге, берне – бошха.
- Халкъны юйю – туугъан джери.
- Суу ичген шауданынга тюкюрме.
- Эркишиге тары кебек танг кёрюнюр.
- Адамны аты башхача, акъылы да башхады.
- Тиширыусуз юй – отсуз от джагъа.
- Хансыз джомакъ болмаз.
- Эри аманны, къатыны – аман.
- Чабакъ башындан чирийди.
- Хар зат кесини орнуна иги.
- Тенгинг джокъ эсе – изле, бар эсе – сакъла!
- Сыфатында болмагъаны, суратында болмаз.
- Ашыкъгъан cуу, тенгизге джетмез.
- Джыгъылгъанны сырты джерден тоймаз.
- Ишленмеген джаш – джюгенсиз ат, ишленмеген къыз – тузсуз хант.
- Къонакъ кёб келюучю юйню, къазаны отдан тюшмез.
Профиль
|
|
|
|||