Эльбрусоид :: Форум

Аууз сакълагъан – джан сакълар.
Кёлсюзден сёзсюз тууар.
Шекер бла туз – бир болмаз, ушамагъан – юй болмаз.
Сабийликде юретмесенг, уллу болса – тюзелмез.
Къулакъдан эсе, кёзге ышан.
Аз сёлешген, къайгъысыз турур.
Сабыр джетер муратха, сабырсыз къалыр уятха.
Къумурсхала джыйылсала, пилни да джыгъадыла.
Ач къалгъандан, кеч къалгъан къолай.
Ачлыкъ отха секиртир.
Иги адам абынса да, джангылмаз.
Нёгерсизни джолу узун.
Ичимден чыкъды хата, къайры барайым сата?
Тюкюрюк баш джармаз, налат кёз чыгъармаз!
Хатерли къул болур.
Тешигини къатында, чычхан да батыр болур.
Чоюнну башы ачыкъ болса, итге уят керекди.
Джылыгъа джылан илешир.
Къонакъ болсанг, ийнакъ бол.
Юреннген ауруу къалмаз.
Кийимни бир кюнню аясанг, минг кюннге джарар.
Арбаз сайлама да, хоншу сайла.
Байлыкъ болгъан джерде, тынчлыкъ джокъду.
Ариу сёз джыланны орнундан чыгъарыр.
Уллу айтханны этмеген – уллаймаз.
Аллахдан тилесенг, кёб тиле.
Аман хансны – урлугъу кёб.
Азыгъы аз, алгъа къабар, аты аман, алгъа чабар.
Хаухну атма, ёнгкючню сатма.
Аджал соруб келмез, келсе, къайтыб кетмез.
Билеги кючлю, бирни джыгъар, билими кючлю, мингни джыгъар.
Ата джурт – алтын бешик.
Джаш болсун, къыз болсун, акъылы, саны тюз болсун.
Кёб ант этген, кёб ётюрюк айтыр.
Эл элде бирер малынг болгъандан эсе, бирер тенгинг болсун.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ачылгъан эт джабылыр, кёрген кёз унутмаз.
Аджашхан тёгерек айланыр.
Эски джаугъа ышанма.
Чомарт къолда мал къалмаз.
Эринчекни аурууу – кёб.
Кирсизни – саны таза, халалны – къаны таза.
Туз, гырджын аша, тюзлюк бла джаша.
Сагъышы джокъ – джукъучу, акъылы джокъ – къаугъачы.
Аш иеси бла татлыды.
Аманны эки битли тону болур, бирин сеннге кийдирир, бирин кеси киер.
Киштикге къанат битсе, чыпчыкъ къалмаз эди.
Ата – баланы уясы.
Ишленмеклик адамлыкъды.
Бюгюн дуния кибик, тамбла ахыратды.

Логин:
Пароль:
	Запомнить меня на этом компьютере

Забыли свой пароль?
Регистрация