- Эринчекни эр алмаз, эр алса да, кёл салмаз, кёл салса да, кёб бармаз!
- Аманнга да, игиге да оноусуз къатышма.
- Аз айтсам, кёб ангылагъыз.
- Аман киши кеси юйюнде – къонакъ.
- Ашыкъгъан cуу, тенгизге джетмез.
- Къан бла кирген, джан бла чыгъар.
- Гырджын – тепсини тамадасы.
- Ашлыкъны арба юйге келтирир, чана базаргъа элтир.
- Джырына кёре эжиую.
- Тенгни тенглиги джашай барсанг билинир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айтхан сёзюне табылгъан.
- Битмегеннге сакъал – танг.
- Къатын байлыкъны сюер, эр саулукъну сюер.
- Къарнынг тойгъунчу аша да, белинг талгъынчы ишле.
- Кёз – сюйген джерде, къол – ауругъан джерде.
- Хата – гитчеден.
- Нарт сёз къарт болмаз.
- Босагъагъа джууукъ орун болса, ашыгъыб тёрге озма.
- Ханнга да келеди хариблик.
- Телиге от эт десенг, юйюнге от салыр.
- Акъыл неден да кючлюдю.
- Алтыннга тот къонмаз.
- Ким бла джюрюсенг, аны кёзю бла кёрюнюрсе.
- Мухар, кеси тойса да, кёзю тоймаз.
- Билмегенинги, билгеннге сор.
- Къолу уллу – асыу, аягъы уллу – джарсыу.
- Тынгылагъан тынгы бузар.
- Азыгъы аз, алгъа къабар, аты аман, алгъа чабар.
- Аджал соруб келмез, келсе, къайтыб кетмез.
- Алма терегинден кери кетмез.
- Душманны тышы – акъ, ичи – къара.
- Сёз сёзню айтдырыр.
- Айырылгъанланы айю ашар, бёлюннгенлени бёрю ашар.
- Джарлыны эшигин махтагъан джабар.
- Къарт айтханны этмеген, къартаймаз.
- Азыкълы ат арымаз, къатыны аман джарымаз.
- Тойну къарнашы – харс, джырны къарнашы – эжиу.
- Ишни аллы бла къууанма да, арты бла къууан.
- Ёксюзню къалачы уллу кёрюнюр.
- Къайтырыкъ эшигинги, къаты уруб чыкъма.
- Эшекге миннген – биринчи айыб, андан джыгъылгъан – экинчи айыб.
- Джылыгъа джылан илешир.
- Чоюнну башы ачыкъ болса, итге уят керекди.
- Къарт болгъан джерде, берекет болур, сабий болгъан джерде, оюн болур.
- Акъыллы эркиши атын махтар, акъылсыз эркиши къатынын махтар.
- Билим насыб берир, билим джолну керир.
- Джырчы ёлсе, джыры къалыр.
- Намыс сатылыб алынмайды.
- Суу кетер, таш къалыр.
Профиль
|
|
|
|||