Эльбрусоид :: Форум

Джаралыны джастыгъында сау ёлюр.
Суу ичген шауданынга тюкюрме.
Ашыкъгъанны этеги бутуна чырмалыр.
Джашда акъыл джокъ, къартда къарыу джокъ.
Кёлсюзден сёзсюз тууар.
Чакъырылмагъан къонакъ тёрге атламаз.
Бир абыннган – минг сюрюнюр.
Къонакъ хазыр болгъанлыкъгъа, къонакъбай хазыр тюлдю.
Халкъны юйю – туугъан джери.
Аман киши кеси юйюнде – къонакъ.
Сакъламагъан затынга джолукъсанг, не бек къууанаса, не бек ачыйса.
Эли джокъну – кёлю джокъ.
Баргъанынга кёре болур келгенинг.
Эр абынмай, эл танымаз.
Ойнаб айтсанг да, эслеб айт.
Тёрде – темир таякълы, къаяда – чыпчыкъ аякълы.
Адам къаллай бир ишленмесе, аллай бир кесин уллу кёреди.
Къарны аманнга къазан такъдырма, къолу аманнга от джакъдырма.
Тил – кесген бычакъ, сёз – атылгъан окъ.
Джыгъылгъанны сырты джерден тоймаз.
Байлыкъ келсе, акъыл кетер.
Сакъалы текени да бар, мыйыгъы киштикни да бар.
Окъумагъан сокъурду, сокъур ташха абыныр!
Ана къолу ачытмаз.
Аш хазыр болса, иш харам болур.
Джарлыны эшигин махтагъан джабар.
Ата Джуртуму башы болмасам да, босагъасында ташы болайым.
Хазыр ашха – терен къашыкъ.
Джаш къарыу бла кючлю, къарт акъыл бла кючлю.
Таш ата билмеген, башына урур.
Къыйынлы джети элге оноу этер.
Таукел къуру къалмаз.
Къобан да къуру да къобханлай турмайды, адам да къуру да патчахлай турмайды.
Адебсиз адам – джюгенсиз ат.
Ана – юйню кюн джарыгъы.
Ач, тоймам, дейди, тойгъан, ач болмам, дейди.
Тил – миллетни джаны.
Къарнынг ауруса, ауузунгу тый
Тойгъан джерге джети къайт.
Къыйынлы джети элни къайгъысын этер.
Къызын тута билмеген, тул этер, джашын тута билмеген, къул этер.
Кийим тукъум сордурур.
Халкъны джырын джырласанг, халкъ санга эжиу этер.
Тилчи бир сагъатха айлыкъ хата этер.
Суугъа – таянма, джаугъа – ийнанма.
Дуния мал дунияда къалады.
Джол бла сёзню къыйыры джокъ.
Чакъырылмай келген къонакъ сыйланмай кетер.
Эл ауузу – элия.
Иги адам абынса да, джангылмаз.

Логин:
Пароль:
	Запомнить меня на этом компьютере

Забыли свой пароль?
Регистрация