Эльбрусоид :: Форум

Ауругъаннга – кийик саулукъ, джетген къызгъа – чилле джаулукъ.
Къызгъанчдан ычхыныр, мухардан ычхынмаз.
Адамны артындан къара сабан сюрме.
Ишлегенде эринме, ишде чолакъ кёрюнме.
Кёб джашагъан – кёб билир.
Суу ичген шауданынга тюкюрме.
Ёнгкюч къууана барыр, джылай келир.
Таугъа чыгъаллыкъ эсенг, тюзде къалма.
Халкъгъа джарагъан, джарлы къалмаз.
Дуния мал дунияда къалады.
Джюз элде джюз ёгюзюм болгъандан эсе, джюз джууугъум болсун.
Сормай – алма, чакъырылмай – барма.
Къар – келтирди, суу – элтди.
Суугъа – таянма, джаугъа – ийнанма.
Тёрени джагъы джокъ.
Ат басханны джер билед.
Тенгни тенглиги джашай барсанг билинир.
Джыгъылгъанны сырты джерден тоймаз.
Чабакъгъа акъыл, табагъа тюшсе келеди.
Ашаса, ашамаса да, бёрюню ауузу – къан.
Тилде сюек болмаса да, сюек сындырыр.
Адеб этмеген, адеб кёрмез.
Къыз тиширыу кеси юйюнде да къонакъды.
Ойнай-ойнай кёз чыгъар.
Джарлыны тону джаз битер.
Харам къарнашдан, халал тенг ашхы.
Бал ашаргъа сюе эсенг, чибин ургъаннга тёз.
Тил – кесген бычакъ, сёз – атылгъан окъ.
Тойгъандан сора, ашны сёкме.
Намыс сатылыб алынмайды.
Джаралыны джастыгъында сау ёлюр.
Къазанны башы ачыкъ болса, итге уят керекди.
Бастасын ашагъан, хантусун да ичер.
Кёбден умут этиб, аздан къуру къалма.
Адамны бетине къарама, адетине къара.
Чакъырылмагъан джерге барма, чакъырылгъан джерден къалма.
Этим кетсе да, сюегим къалыр.
Ургъан суудан башынгы сакъла.
Акъылсызны джууукъгъа алма, акъыллыны кенгнге салма.
Джигер – джаннга къыйынлыкъ.
Ушамагъан – джукъмаз.
Минг тенг да азды, бир джау да кёбдю.
Айныгъанлы алты кюн, тогъайгъанлы тогъуз кюн.
Эр абынмай, эл танымаз.
Айтылгъан сёз ызына къайтмаз.
Дуния аламаты сен эсенг да, игиме деб айтма.
Эрни эр этерик да, къара джер этерик да, тиширыуду.
Кёзден кетген, кёлден да кетеди.
Кимни – тили, тиши онглу, кимни – къолу, иши онглу.
Гугурук къычырмаса да, тангны атары къалмаз.

Логин:
Пароль:
	Запомнить меня на этом компьютере

Забыли свой пароль?
Регистрация