- Кёз – сюйген джерде, къол – ауругъан джерде.
- Телиге от эт десенг, юйюнге от салыр.
- Баш болса, бёрк табылыр.
- Эркиши – от, тиширыу – суу.
- Къазанны башы ачыкъ болса, итге уят керекди.
- Аджашхан тёгерек айланыр.
- Гырджын – тепсини тамадасы.
- Чакъырылмай келген къонакъ сыйланмай кетер.
- Дуния аламаты сен эсенг да, игиме деб айтма.
- Къонакъ аз олтурур, кёб сынар.
- Джаханимни кёрмей, джандетге кёл салмазса.
- Аманны къуугъан, аманлыкъ табар.
- Эртде тургъан джылкъычыны эркек аты тай табар.
- Кёлю джокъну – джолу джокъ.
- Ач отунчуну ачыуу – бурнунда.
- Тёгюлген тюгел джыйылмайды.
- Ышармагъан – кюлмез, кюлмеген – къууанчны билмез.
- Ётюрюкню башын керти кесер.
- Окъуусуз билим – джокъ, билимсиз кюнюнг – джокъ.
- Эл бла кёргенинг эрелей.
- Кесине оноу эте билмеген, халкъына да эте билмез.
- Адеб базарда сатылмаз.
- Этни да ашады, бетни да ашады.
- Ишин билген, аны сыйын чыгъарады.
- Айырылмаз джууугъунга, унутмаз сёзню айтма.
- Мадар болса, къадар болур.
- Сыфатында болмагъаны, суратында болмаз.
- Эм ашхы къайын ана мамукъ бла башынгы тешер.
- Суугъа – чабакъ, къаягъа – ыргъакъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къошда джокъгъа – юлюш джокъ.
- Уллу сёзде уят джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сёз сёзню айтдырыр.
- Сёз садакъдан кючлюдю.
- Кирсизни – саны таза, халалны – къаны таза.
- Керилген да, ургъан кибикди.
- Байны оноуу, джарлыгъа джарамаз.
- Джыгъылгъанны сырты джерден тоймаз.
- Сабий болмагъан джерде, мёлек болмаз.
- Адебсиз адам – джюгенсиз ат.
- Ханнга да келеди хариблик.
- Тынгылагъан тынгы бузар.
- Ариу – кёзге, акъыл – джюрекге.
- Ата Джуртуму башы болмасам да, босагъасында ташы болайым.
- Игини сыйлагъан адетди.
- Окъдан джара эртде-кеч болса да бителир, сёз джара, ёмюрге къалыр.
- Сабий кёргенин унутмаз.
- Айныгъанлы алты кюн, тогъайгъанлы тогъуз кюн.
- Ашхы – джыяр, аман – джояр.
Профиль
|
|
|
|||