- Ач, тоймам, дейди, тойгъан, ач болмам, дейди.
- Чомартха хар кюн да байрамды.
- Джашлыкъ этмеген, башлыкъ этмез.
- Ата – баланы уясы.
- Эринчекни аурууу – кёб.
- Ётюрюкчюню шагъаты – къатында.
- Къатыны харакетли болса, эри къымсыз болур.
- Юреннген ауруу къалмаз.
- Кесинге джетмегенни, кёб сёлешме.
- Чакъырылмагъан къонакъ къачан кетерин сормаз.
- Айырылгъанланы айю ашар, бёлюннгенлени бёрю ашар.
- Элге къуллукъ этмеген, элге ие болмаз.
- Ачлыкъда тары гырджын халыуадан татлы.
- Къонакъ аман болса, къонакъбай джунчур
- Тёзген – тёш ашар!
- Мал тутхан – май джалар.
- Аурууну келиую тынч, кетиую – къыйын.
- Уллу къазанда бишген эт, чий къалмаз.
- Кёб къычыргъандан – къоркъма, тынч олтургъандан – къоркъ.
- Джангызны оту джарыкъ джанмаз!
- Ойнай билмеген, уруб къачар.
- Къоркъакъны кёзю экили кёрюр.
- Уясында не кёрсе, учханында аны этер.
- Адамны аманы адамны бети бла ойнар.
- Бир абыннган – минг сюрюнюр.
- Ишлегенде эринме, ишде чолакъ кёрюнме.
- Ишге юренсин къоллары, халкъ бла болсун джоллары.
- Шайтан алдады, тюзлюк къаргъады.
- Хунаны тюбюн къазсанг, юсюнге ауар.
- Суугъа – таянма, джаугъа – ийнанма.
- Чомартха Тейри да борчлуду.
- Кенгеш болса, уруш болмаз.
- Телини эшигин, махтау джабар.
- Ата Джуртуму башы болмасам да, босагъасында ташы болайым.
- Къызны минг тилер, бир алыр.
- Кийим тукъум сордурур.
- Чабакъсыз кёлге къармакъ салгъанлыкъгъа, чабакъ тутмазса.
- Джыгъылгъанны сырты джерден тоймаз.
- Ата – билек, ана – джюрек!
- Чакъырылмагъан къонакъ – орунсуз.
- Кёзню ачылгъаны – иги, ауузну джабылгъаны – иги.
- Огъурлуну сёзю – суу, огъурсузну сёзю – уу.
- Сагъыш – къартлыкъгъа сюйюмчю.
- Чомартны къолун джокълукъ байлар.
- Ашына кёре табагъы, балына кёре къалагъы.
- От кюйдюрген, сау болса да, тот кюйдюрген, сау болмаз.
- Билмегенинги, билгеннге сор.
- Ургъан суудан башынгы сакъла.
- Тилде сюек болмаса да, сюек сындырыр.
- Джангыз торгъай джырламаз.
Профиль
|
more
 Эльбрусоид
Cообщений: 619
Баллов: 495
Регистрация: 11.03.2013
Последний визит: 30.03.2016 02:01:00
|
|
||||||
|
|
|
||||||