- Айырылгъанланы айю ашар, бёлюннгенлени бёрю ашар.
- Билим насыб берир, билим джолну керир.
- Джюрекден джюрекге джол барды.
- Джыланны къуйругъундан басарынг келсе, аны башы болгъанын унутма.
- Окъдан джара эртде-кеч болса да бителир, сёз джара, ёмюрге къалыр.
- Келинин тута билмеген, къул этер, къызын тута билмеген, тул этер.
- Бети – къучакълар, джюреги – бычакълар.
- Джаз бир кюнню джатсанг, къыш талай кюнню абынырса.
- Адеб этмеген, адеб кёрмез.
- Ач келгенни – тойдур, кеч келгенни – къондур.
- Алим болгъандан эсе, адам болгъан къыйынды.
- Алтыда кюлмеген, алтмышда кюлмез.
- Къазанда болса, чолпугъа чыгъар.
- Ана кёлю – балада, бала кёлю – талада.
- Кёлсюзден сёзсюз тууар.
- Ким бла джюрюсенг, аны кёзю бла кёрюнюрсе.
- Эм ашхы къайын ана мамукъ бла башынгы тешер.
- Хансыз джомакъ болмаз.
- Чакъырылмагъан къонакъ тёрге атламаз.
- Ёлген ийнек сютлю болур.
- Аманнга игилик этсенг, юйюнге сау бармазса.
- Айраннга суу къош, телиге джол бош.
- Тынгылагъан тынгы бузар.
- Башланнган иш битер, къымылдагъан тиш тюшер.
- Акъыл аздырмаз, билим тоздурмаз.
- Хантына кёре тузу, юйюне кёре къызы.
- Къонакъ аз олтурур, кёб сынар.
- Бек анасы джыламаз.
- Къуру гыбыт бек дыгъырдар.
- Айыбны суу бла джууалмазса.
- Акъыллы башны – тили къысха.
- От этилмеген джерден тютюн чыкъмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Мухардан ач ычхынмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Биреуню эскиси биреуге джангы болмайды.
- Иги джашны ышаны – аз сёлешиб, кёб тынгылар.
- Аман эсирсе, юйюн ояр.
- Акъыллы эркиши атын махтар, акъылсыз эркиши къатынын махтар.
- Кёз – сюйген джерде, къол – ауругъан джерде.
- От кюйдюрген, сау болса да, тот кюйдюрген, сау болмаз.
- Аман адам этегингден тутса, кес да къач.
- Бал ашаргъа сюе эсенг, чибин ургъаннга тёз.
- Кёб джат да, бек чаб.
- Ишленмеклик адамлыкъды.
- Экиндини кеч къылсанг, чабыб джетер ашхам.
- Тойгъан джерден туугъан джер игиди.
- Уллу атлама – абынырса, уллу къабма – къарылырса.
- Джангыз торгъай джырламаз.
- Абынмазлыкъ аякъ джокъ, джангылмазлыкъ джаякъ джокъ.
Профиль
|
recepe
 Эльбрусоид
Cообщений: 332
Баллов: 265
Регистрация: 21.05.2013
Последний визит: 01.12.2016 17:13:50
|
|
||||||||
|
|
|
||||||||