Эльбрусоид :: Форум

Бир онгсуз адам адет чыгъарды, деб эштирик тюлсе.
Сыфатында болмагъаны, суратында болмаз.
Мураты болгъанны джюрек тебюую башхады.
Ишлемеген – тишлемез.
Татлы сёз – балдан татлы.
Айранны сюйген, ийнек тутар.
Нарт сёз къарт болмаз.
Эркиши – от, тиширыу – суу.
Тулпарлыкъ, билекден тюл – джюрекден.
Тёрдеги кюлсе, эшикдеги ышарыр.
Къаллай салам берсенг, аллай джууаб алырса.
Ишни аллы бла къууанма да, арты бла къууан.
Элге къуллукъ этмеген, элге ие болмаз.
Чомарт къолда мал къалмаз.
Аз сёлешген, къайгъысыз турур.
Хатерли къул болур.
Ата Джуртча джер болмаз, туугъан элча эл болмаз.
Джаным-тиним – окъуу, билим.
Накъырда – кертини келечиси.
Тилсиз миллет джокъ болур.
Къарыусузгъа кюлме, онгсузгъа тийме.
Игиге айтсанг – билир, аманнга айтсанг – кюлюр.
Гырджын – тепсини тамадасы.
Акъыллы башны – тили къысха.
Сибиртки да сыйлы болду, кюрек да кюнлю болду.
Агъач – джерни чырайы, кийим – эрни чырайы.
Аууздан келген, къолдан келсе, ким да патчах болур эди.
Аман къатын сабий табса, бий болур…
Кёрмегеннге кебек – танг, битмегеннге сакъал – танг.
Ач уят къоймаз.
Таукел адам тау тешер.
Керилген да, ургъан кибикди.
Кийимни бичсенг, кенг бич, тар этген къыйын тюлдю.
Таукелге нюр джауар.
Ауузу аманнга «иги», деме.
Иги джашны ышаны – аз сёлешиб, кёб тынгылар.
Джырына кёре эжиую.
Къартны сыйын кёрмеген, къартлыгъында сыйлы болмаз.
Элде адам къалмаса, ит тахтагъа минер.
Битмегеннге сакъал – танг.
Джашда акъыл джокъ, къартда къарыу джокъ.
Керек ташны ауурлугъу джокъ.
Гыдай эчки суугъа къараб, мюйюзле кёрмесе, джашма алкъын, дегенди.
Элиб деген, элге болушур.
Нафысынгы айтханын этме, намысынгы айтханын эт.
Аджал соруб келмез, келсе, къайтыб кетмез.
Джетген къыз джерли эшекни танымаз.
Ёгюзню мюйюзлери ауурлукъ этмейдиле.
Дженгил джетерикме деб, узун джолну къоюб, къысхасын барма.
Юйюнг бла джау болгъандан эсе, элинг бла джау бол.

Логин:
Пароль:
	Запомнить меня на этом компьютере

Забыли свой пароль?
Регистрация