- Урама да – ёледи, сатама да – келеди.
- Ургъан суудан башынгы сакъла.
- Рысхы – насыбха къор.
- Эл ауузу – элек, анга ийнаннган – халек.
- Билим къая тешер.
- Тёрде – темир таякълы, къаяда – чыпчыкъ аякълы.
- Нарт сёз къарт болмаз.
- Къартны сыйын кёрмеген, къартлыгъында сыйлы болмаз.
- Алим болгъандан эсе, адам болгъан къыйынды.
- Уруну арты – къуру.
- Джогъун бар этген, барын бал этген.
- Юй кюйдю да, кюйюз чыкъды, ортасындан тюйюш чыкъды.
- Суу кетер, таш къалыр.
- Халкъны джырын джырласанг, халкъ санга эжиу этер.
- Иги болса, тамадама – махтау, аман болса, меннге – айыб.
- Чомартны къолу берекет.
- Къыз тиширыу кеси юйюнде да къонакъды.
- Ач, тоймам, дейди, тойгъан, ач болмам, дейди.
- Джумушакъ сёз къаты таякъны сындырыр.
- Мураты болгъанны джюрек тебюую башхады.
- Айныгъанлы алты кюн, тогъайгъанлы тогъуз кюн.
- Мал ёлсе, сюек къалыр, адам ёлсе, иши къалыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эр сокъур болсун, къатын тилсиз болсун.
- Кёбге таш атма.
- Ашхы – джыяр, аман – джояр.
- Биреуге кёлтюрген таягъынг, кесинги башынга урур.
- Кёб джашагъан – кёб билир.
- Ач келгенни – тойдур, кеч келгенни – къондур.
- Ётюрюкчюню шагъаты – къатында.
- Сакъалы текени да бар, мыйыгъы киштикни да бар.
- Иесиз малны бёрю ашар.
- Башда акъыл болмаса, эки аякъгъа кюч джетер.
- Эринчекни эр алмаз, эр алса да, кёл салмаз, кёл салса да, кёб бармаз!
- Урунуу – насыбны анасы.
- Ачылгъан эт джабылыр, кёрген кёз унутмаз.
- Адамны аманы адамны бети бла ойнар.
- Тенги кёбню джау алмаз, акъылы кёбню дау алмаз.
- Аллахха ийнаннган кишини, Аллах онгдурур ишин.
- Халкъны юйю – туугъан джери.
- Хоншуну тауугъу къаз кёрюнюр, келини къыз кёрюнюр.
- Агъач халкъгъа алтынды, иссиликге салкъынды.
- Байлыкъ тауусулур, билим тауусулмаз.
- Адам къыйынлыгъын кёлтюрюр, зауукълугъун кёлтюрмез.
- Эли джокъну – кёлю джокъ.
- Айырылгъанланы айю ашар, бёлюннгенлени бёрю ашар.
- Хунаны тюбюн къазсанг, юсюнге ауар.
- Ойнай билмеген, уруб къачар.
- Тойгъандан сора, ашны сёкме.
- Тура эдим джата, къайдан чыкъды хата?
Профиль
|
|
|
|||