- Эр абынмай, эл танымаз.
- Тил – миллетни джаны.
- Аллахха ийнаннган кишини, Аллах онгдурур ишин.
- Къоркъакъны кёзю экили кёрюр.
- Чомарт бергенин айтмаз.
- Къазанны башы ачыкъ болса, итге уят керекди.
- Ёксюзню къалачы уллу кёрюнюр.
- Билимден уллу байлыкъ джокъду.
- Атынг аманнга чыкъгъандан эсе, джанынг тамагъынгдан чыкъсын.
- Кёл – къызбай, къол – батыр.
- Суугъа – таянма, джаугъа – ийнанма.
- Кёбню кёрген – кёб билир.
- Чабакъсыз кёлге къармакъ салгъанлыкъгъа, чабакъ тутмазса.
- Баш – акъыл ючюн, акъылман – халкъ ючюн.
- Тилде сюек болмаса да, сюек сындырыр.
- Накъырда – кертини келечиси.
- Чомартха хар кюн да байрамды.
- Къонакъны къачан кетерин сорма, къачан келлигин сор.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Этни да ашады, бетни да ашады.
- Ариуну – ауруу кёб.
- Айтхан – тынч, этген – къыйын.
- Хата – гитчеден.
- Къан бла кирген, джан бла чыгъар.
- Джылкъыдан – ат чыгъар, тукъумдан – джаш чыгъар.
- Билими азны – ауузунда кирит.
- Таула не мийик болсала да, аууш табылыр.
- Киштикге къанат битсе, чыпчыкъ къалмаз эди.
- Ачны эсинде – аш.
- Аман къатын алгъан, арыр, иги къатын алгъан джарыр.
- Тойгъа барсанг, тоюб бар, эски тонунгу къоюб бар.
- Къарны аманнга къазан такъдырма, къолу аманнга от джакъдырма.
- Адеб этмеген, адеб кёрмез.
- Къарын къуру болса, джюрек уру болур.
- Ач къарным, тынч къулагъым.
- Кюлме джашха – келир башха.
- Адам къыйынлыгъын кёлтюрюр, зауукълугъун кёлтюрмез.
- Окъдан джара эртде-кеч болса да бителир, сёз джара, ёмюрге къалыр.
- Биреуню эскиси биреуге джангы болмайды.
- Байны оноуу, джарлыгъа джарамаз.
- Суу да къайтады чыкъгъан джерине.
- Магъанасыз сёз – тауушсуз сыбызгъы.
- Болджал ишни бёрю ашар.
- Ата Джуртуму башы болмасам да, босагъасында ташы болайым.
- Намыс сатылыб алынмайды.
- Халкъгъа джарагъан, джарлы къалмаз.
- Сёз – кюмюш, джыр – алтын.
- Айныгъанлы алты кюн, тогъайгъанлы тогъуз кюн.
- Суу кетер, таш къалыр.
- Эртде тургъан джылкъычыны эркек аты тай табар.
Профиль
|
|
|
|||