- Эки къатын алгъанны къулагъы тынгнгаймаз.
- Аман къатын алгъан, арыр, иги къатын алгъан джарыр.
- Ёзденликни кёбю ётюрюк.
- Къайтырыкъ эшигинги, къаты уруб чыкъма.
- Эртде тургъан джылкъычыны эркек аты тай табар.
- Къайгъыны сюйген, къайгъы табар.
- Адамны бетине къарама, адетине къара.
- Кесине гебен этелмеген, биреуге черен эте эди.
- Кесине оноу эте билмеген, халкъына да эте билмез.
- Тил – кесген бычакъ, сёз – атылгъан окъ.
- Тойну къарнашы – харс, джырны къарнашы – эжиу.
- Мадар болса, къадар болур.
- Тенгни тенглиги джашай барсанг билинир.
- Уллу суу бла уллу ауруудан башынгы сакъла.
- Нарт сёз къарт болмаз.
- Къалгъан ишге къар джауар.
- Биреу къой излей, биреу той излей.
- Акъыллы айтыр эди, акъылсыз къоймайды.
- Ачлыкъда тары гырджын халыуадан татлы.
- Ачыкъ джюрекге джол – ачыкъ.
- Урунуу – насыбны анасы.
- Адебни адебсизден юрен.
- Юй кюйдю да, кюйюз чыкъды, ортасындан тюйюш чыкъды.
- Эринчекге кюн узун.
- Къонакъ аман болса, къонакъбай джунчур
- Сёз садакъдан кючлюдю.
- Айтылгъан буйрукъ, сёгюлмез
- Кечеси – аяз, кюню – къыш, джарлы къаргъагъа бир аш тюш!
- Къарнынг къанлынга кийирир.
- Хар сёзню орну барды.
- Къатыны харакетли болса, эри къымсыз болур.
- Аллахха ийнаннган кишини, Аллах онгдурур ишин.
- Нёгер болсанг, тенг бол, тенг болмасанг, кенг бол.
- Джукъу тёшек сайламайды.
- Кютгени беш эчки, сызгъыргъаны уа, джерни джарады.
- Адеб базарда сатылмаз.
- Окъ къызбайны джокълайды.
- Ач – эснер, ат – кишнер.
- Баргъанынга кёре болур келгенинг.
- Ата джурт – алтын бешик.
- Ёзденликни джайгъан – джокълукъ.
- Сагъыш – къартлыкъгъа сюйюмчю.
- Олтуруб кёрюнмей эди да, ёрге туруб кёрюне эди.
- Эм ашхы къайын ана мамукъ бла башынгы тешер.
- Адам сёзюнден белгили.
- Сабийни джумушха джибер да, ызындан бар.
- Джырына кёре эжиую.
- Элде адам къалмаса, ит тахтагъа минер.
- Аман адам этегингден тутса, кес да къач.
- Асхат ашлыкъ сата, юйдегиси ачдан къата.
Профиль
|
|
|
|||