- Кюн кёрмеген, кюн кёрсе, кюндюз чыракъ джандырыр.
- Эркиши – от, тиширыу – суу.
- Чакъырылгъанны аты, чакъырылмагъанны багъасы болур.
- Рысхысына кёре, джаш ёсер, къышлыгъына кёре, мал ёсер.
- Ёлген эшек бёрюден къоркъмайды.
- Тамчы таш тешер.
- Кёб джат да, бек чаб.
- Къуру гыбыт бек дыгъырдар.
- Джаралыны джастыгъында сау ёлюр.
- Махтаннган къыз, тойда джукълар.
- Тура эдим джата, къайдан чыкъды хата?
- Насыблы элин сюер, насыбсыз кесин сюер.
- Игилик игилик бла сингдирилиучю затды.
- Гыдай эчки суугъа къараб, мюйюзле кёрмесе, джашма алкъын, дегенди.
- Аллахдан тилесенг, кёб тиле.
- Ичимден чыкъды хата, къайры барайым сата?
- Къая джолда джортма, ачыкъ сёзден къоркъма.
- Хар сёзню орну барды.
- Джерни букъусу кёкге къонмаз.
- Экеулен сёлеше тура эселе, орталарына барыб кирме.
- Ауругъанны сау билмез, ач къарынны токъ билмез.
- Алтыда кюлмеген, алтмышда кюлмез.
- Тюкюрюк баш джармаз, налат кёз чыгъармаз!
- Игини сыйлагъан адетди.
- Баргъанынга кёре болур келгенинг.
- Эл ауузу – элек, анга ийнаннган – халек.
- Эте билген, этген этеди, эте билмеген, юретген этеди!
- Ач отунчуну ачыуу – бурнунда.
- Ёзденликни кёбю ётюрюк.
- Таукел къуру къалмаз.
- Суугъа – чабакъ, къаягъа – ыргъакъ.
- Тау башында, тау болмаз, джангыз терек, бау болмаз.
- Адам туугъан джеринде, ит тойгъан джеринде.
- Аш кетер да бет къалыр.
- Адеб этмеген, адеб кёрмез.
- Ётюрюкчюню шагъаты – къатында.
- Кютгени беш эчки, сызгъыргъаны уа, джерни джарады.
- Джюрек кёзден алгъа кёрюр.
- Биреуню тёрюнден, кесинги эшик артынг игиди.
- Келлик заман – къартлыкъ келтирир, кетген заман – джашлыкъ ёлтюрюр.
- Билмегенинги, билгеннге сор.
- Зарда марда джокъ.
- Акъыллы эркиши атын махтар, акъылсыз эркиши къатынын махтар.
- Халкъны юйю – туугъан джери.
- Орну джокъну – сыйы джокъ.
- Адамны сыфатына къарама, сёзюне къара.
- Бозаны арты дауур болур.
- Ётюрюкню башын керти кесер.
- Окъ къызбайны джокълайды.
- Ашда уялгъан – мухар, ишде уялгъан – хомух.
Профиль
|
|
|
|||