- Ашатыргъа иш – ашхы, ишлетирге аш – ашхы.
- Къарнынг тойгъунчу аша да, белинг талгъынчы ишле.
- Чакъырылмагъан джерге барма, чакъырылгъан джерден къалма.
- Тюзлюк тас болмайды.
- Адамны адамлыгъы къыйынлыкъда айгъакъланады.
- Джукъу тёшек сайламайды.
- Артына баргъанны, къатына барма.
- Акъыллы эркиши атын махтар, акъылсыз эркиши къатынын махтар.
- Харам къарнашдан, халал тенг ашхы.
- Акъылсызны джууукъгъа алма, акъыллыны кенгнге салма.
- Шекер бла туз – бир болмаз, ушамагъан – юй болмаз.
- Телиге от эт десенг, юйюнге от салыр.
- Чакъырылмагъан къонакъ тёрге атламаз.
- Мал кёб болса, джууукъ кёб болур.
- Тели турса – той бузар.
- Джан саулукъ бермей, сан саулукъ бермезсе.
- Тил – кесген бычакъ, сёз – атылгъан окъ.
- Кёпюр салгъан кеси ётер, уру къазгъан кеси кетер.
- Таула не мийик болсала да, аууш табылыр.
- Къызгъанчдан ычхыныр, мухардан ычхынмаз.
- Ёлюк кебинсиз къалмаз.
- Къумурсхала джыйылсала, пилни да джыгъадыла.
- Джюрекге ариу – кёзге да ариу.
- Эки къатын алгъан – эки ташны ортасына башын салгъан.
- Агъач халкъгъа алтынды, иссиликге салкъынды.
- Джашынгы кесинг юретмесенг, джашау юретир.
- Джаш къарыу бла кючлю, къарт акъыл бла кючлю.
- Къуру гыбыт бек дыгъырдар.
- Аллахха ийнаннган кишини, Аллах онгдурур ишин.
- Акъыл неден да кючлюдю.
- Эшекге миннген – биринчи айыб, андан джыгъылгъан – экинчи айыб.
- Баланы адам этген анады.
- Аурууну келиую тынч, кетиую – къыйын.
- Аман хансны – урлугъу кёб.
- Джангыз терек къынгыр ёсер.
- Магъанасыз сёз – тауушсуз сыбызгъы.
- Алгъанда – джууукъ, бергенде – джау.
- Айныгъанлы алты кюн, тогъайгъанлы тогъуз кюн.
- Ашхы сёз таш тешер.
- Чыкълы кюнде чыкъмагъан, чыкъса къуру кирмеген.
- Ач къарынны, токъ билмез
- Тил бла келеди джыр да.
- Билмезни кёзю кёрмез, этмезни къулагъы эшитмез.
- Мал ёлсе, сюек къалыр, адам ёлсе, иши къалыр.
- Адеб джокъда, намыс джокъ.
- Аманнга игилик этсенг, юйюнге сау бармазса.
- Бек анасы джыламаз.
- Атадан ёксюз – бир ёксюз, анадан ёксюз – эки ёксюз.
- Къозулугъунда тоймагъан, къойлугъунда тоймаз.
- Ач уят къоймаз.
Профиль
|
|
|
|||