- Ёксюзню тилеги къабыл болур.
- Чомартха Тейри да борчлуду.
- Бети бедерден, намыс сакълама.
- Бермеген къол, алмайды.
- Тойгъа алгъа да барма, тойда артха да къалма.
- Этим кетсе да, сюегим къалыр.
- Суу ичген шауданынга тюкюрме.
- Чомарт къолда мал къалмаз.
- Кесинг сынамагъан затны, адамгъа буюрма.
- Ач, тоймам, дейди, тойгъан, ач болмам, дейди.
- Харам къарнашдан, халал тенг ашхы.
- Тилсиз миллет джокъ болур.
- Джуртун къоругъан озар.
- Дууулдаса – бал чибин, къонса – къара чибин.
- Юреннген ауруу къалмаз.
- Аз сёлеш, кёб ишле.
- Адамны аты башхача, акъылы да башхады.
- Ишленмеклик адамлыкъды.
- Эли джокъну – кёлю джокъ.
- Ашхы сёз таш тешер.
- Мал ёлсе, сюек къалыр, адам ёлсе, иши къалыр.
- Аз сёлешген, къайгъысыз турур.
- Кенгеш болса, уруш болмаз.
- Хазыр ашха – терен къашыкъ.
- Тилчи тилден къаныкъмаз.
- От кюйдюрген, сау болса да, тот кюйдюрген, сау болмаз.
- Термилгенинги табмазса, кюлгенинге тюберсе.
- Адамны джюреги нени кёрюрге сюйсе, кёзю да аны кёрюрге ёч болады.
- Байма, деб да, къууанма, джарлыма, деб да, джылама.
- Ана къойну – балагъа джандет.
- Атлыны кёрсе, джаяуну буту талыр.
- Сескекли кесин билдирир.
- Ач уят къоймаз.
- Окъуу – билимни ачхычы, окъуу – дунияны бачхычы.
- Къатын къылыкъсыз, эр тынчлыкъсыз.
- Ёлген ийнек сютлю болур.
- Ашда уялгъан – мухар, ишде уялгъан – хомух.
- Ата джурт – алтын бешик.
- Башынга джетмегенни сорма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тамчы таш тешер.
- Акъыллы айтыр эди, акъылсыз къоймайды.
- Билмегенинги, билгеннге сор.
- Ашын ашагъанынгы, башын да сыйла.
- Аш кетер да бет къалыр.
- Ким бла джюрюсенг, аны кёзю бла кёрюнюрсе.
- «Ма», - дегенни билмесенг, «бер», - дегенни билмезсе.
- Сютню башын джалагъан къутулур, тюбюн ичген тутулур.
- Урама да – ёледи, сатама да – келеди.
- Таукел къуру къалмаз.
Профиль
|
|
|
|||