Эльбрусоид :: Форум

Акъыл неден да кючлюдю.
Ач да бол, токъ да бол – намысынга бек бол.
Адам сёзюнден белгили.
Джарлыны тону джаз битер.
Аманнга алтын чыдамаз.
Тели турса – той бузар.
Тамбла алтындан бюгюн багъыр ашхы.
Халкъны юйю – туугъан джери.
Чабакъсыз кёлге къармакъ салгъанлыкъгъа, чабакъ тутмазса.
Кирсизни – саны таза, халалны – къаны таза.
Къыз келсе, джумуш эте келеди, къатын келсе, ушакъ эте келеди.
Ана къолу ачытмаз.
Келлик заман – къартлыкъ келтирир, кетген заман – джашлыкъ ёлтюрюр.
Ашда – бёрю, ишде – ёлю.
Окъуусуз билим – джокъ, билимсиз кюнюнг – джокъ.
Ёлмесенг да, къарт дамы болмазса?
Телиге от эт десенг, юйюнге от салыр.
Сакъалы текени да бар, мыйыгъы киштикни да бар.
Итли къонакъ джарашмаз.
Хантына кёре тузу, юйюне кёре къызы.
Тюзлюк тас болмайды.
Ашаса, ашамаса да, бёрюню ауузу – къан.
Билмегенинги, билгеннге сор.
Тил бла келеди джыр да.
Окъумагъан сокъурду, сокъур ташха абыныр!
Киштикге къанат битсе, чыпчыкъ къалмаз эди.
Адеб этмеген, адеб кёрмез.
Бал ашаргъа сюе эсенг, чибин ургъаннга тёз.
Эркишини аманы тиширыуну джылатыр.
Уруну арты – къуру.
Биреуге аманлыкъ этиб, кесинге игилик табмазса.
Баш болса, бёрк табылыр.
Эл ауузу – элия.
Бети бедерден, намыс сакълама.
Ашын ашагъанынгы, башын да сыйла.
Джюрек кёзден алгъа кёрюр.
«Ма», - дегенни билмесенг, «бер», - дегенни билмезсе.
Болджал ишни бёрю ашар.
Кечеси – аяз, кюню – къыш, джарлы къаргъагъа бир аш тюш!
Ойнай билмеген, уруб къачар.
Хунаны тюбюн къазсанг, юсюнге ауар.
Къонакъ кёб келюучю юйню, къазаны отдан тюшмез.
Чоюнну башы ачыкъ болса, итге уят керекди.
Игини сыйлагъан адетди.
Чакъырылмагъан къонакъ тёрге атламаз.
Аууз сакълагъан – джан сакълар.
Биреу ашаб къутулур, биреу джалаб тутулур.
Ач къалгъандан, кеч къалгъан къолай.
Зарда марда джокъ.
Джеринден айырылгъан – джети джылар, джуртундан айырылгъан – ёлгюнчю джылар.

Логин:
Пароль:
	Запомнить меня на этом компьютере

Забыли свой пароль?
Регистрация