- Ёгюзню мюйюзюнден тутадыла, адамны сёзюнден тутадыла.
- Къатын къылыкъсыз, эр тынчлыкъсыз.
- Сабийликде юретмесенг, уллу болса – тюзелмез.
- Кёпюр салгъан кеси ётер, уру къазгъан кеси кетер.
- Хунаны тюбюн къазсанг, юсюнге ауар.
- Суу кетер, таш къалыр.
- Адамны бетине къарама, адетине къара.
- Бёрю да ач къалмасын, эчки да ашалмасын.
- Арбаз сайлама да, хоншу сайла.
- Джашынгы кесинг юретмесенг, джашау юретир.
- Акъдан къара болмаз.
- Эл элде бирер малынг болгъандан эсе, бирер тенгинг болсун.
- Къонакъ аз олтурур, кёб сынар.
- Кёзден кетген, кёлден да кетеди.
- Айраннга суу къош, телиге джол бош.
- Чомартны къолун джокълукъ байлар.
- Къонакъны къачан кетерин сорма, къачан келлигин сор.
- Артына баргъанны, къатына барма.
- Юреннген ауруу къалмаз.
- Тойну къарнашы – харс, джырны къарнашы – эжиу.
- Аманнга игилик этсенг, юйюнге сау бармазса.
- Ойнай билмеген, оюн бузар.
- Къайтырыкъ эшигинги, къаты уруб чыкъма.
- Къулакъдан эсе, кёзге ышан.
- Ауузу бла къуш тута айланады.
- Агъач халкъгъа алтынды, иссиликге салкъынды.
- Аджал соруб келмез, келсе, къайтыб кетмез.
- Окъугъан – асыу, окъумагъан – джарсыу.
- Джерни букъусу кёкге къонмаз.
- Ариу сёз джыланны орнундан чыгъарыр.
- Джогъун бар этген, барын бал этген.
- Джолунга кёре – джюрюшюнг, джагъанга кёре – юлюшюнг.
- Алма терегинден кери кетмез.
- Тюзню ётмеги тюзде къалса да, тас болмаз.
- Къарт айтханны этмеген, къартаймаз.
- Аурууну келиую тынч, кетиую – къыйын.
- Кёз – сюйген джерде, къол – ауругъан джерде.
- Адамны джюреги нени кёрюрге сюйсе, кёзю да аны кёрюрге ёч болады.
- Къарнынг къанлынга кийирир.
- Джан саулукъ бермей, сан саулукъ бермезсе.
- Джаш болсун, къыз болсун, акъылы, саны тюз болсун.
- Уллу сёлешме да, уллу къаб.
- Акъыллы башны – тили къысха.
- Ана – юйню кюн джарыгъы.
- Ишлегенден, къарагъан уста.
- Суугъа – таянма, джаугъа – ийнанма.
- Мен да «сен», дейме, сен да «кесим», дейсе.
- Ашына кёре табагъы, балына кёре къалагъы.
- Гугурук къычырмаса да, тангны атары къалмаз.
- Къарыусузгъа кюлме, онгсузгъа тийме.
Профиль
|
|
|
|||