- Таугъа чыгъаллыкъ эсенг, тюзде къалма.
- Артына баргъанны, къатына барма.
- Аш берме да, къаш бер.
- Аллахха ийнаннган кишини, Аллах онгдурур ишин.
- Уллу айтханны этмеген – уллаймаз.
- Ашхы болсанг, атынг чыгъар, аман болсанг, джанынг чыгъар.
- Акъыл неден да кючлюдю.
- Насыб бютеу халкъны юлюшюдю.
- Биреу къой излей, биреу той излей.
- Джаш болсун, къыз болсун, акъылы, саны тюз болсун.
- Ач келгенни – тойдур, кеч келгенни – къондур.
- Адеб джокъда, намыс джокъ.
- Ашхылыкъ джерде джатмайды, аманлыкъ суугъа батмайды.
- Ачлыкъда тары гырджын халыуадан татлы.
- Намысы джокъну – дуниясы джокъ.
- Уллу сёлешме да, уллу къаб.
- Чыкълы кюнде чыкъмагъан, чыкъса къуру кирмеген.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эр абынмай, эл танымаз.
- Аман адам элни бир-бирине джау этер.
- Кёлю джокъну – джолу джокъ.
- Кийиминг бла танылма, адамлыкъ бла таныл.
- Адебни адебсизден юрен.
- Байны къызы баймакъ болса да, юйде къалмаз!
- Эркиши – от, тиширыу – суу.
- Ашатыргъа иш – ашхы, ишлетирге аш – ашхы.
- Аджаллыгъа окъсуз шкок атылыр.
- Тойну къарнашы – харс, джырны къарнашы – эжиу.
- Джолунга кёре – джюрюшюнг, джагъанга кёре – юлюшюнг.
- Тюз сёз баргъан сууну тыяр.
- Башда акъыл болмаса, эки аякъгъа кюч джетер.
- Гитче джилтин уллу элни джандырыр.
- Этни бети бла шорпасы.
- Уллу атлама – абынырса, уллу къабма – къарылырса.
- Адам сёзюнден белгили.
- Чомартны къолун джокълукъ байлар.
- Къарнынг къанлынга кийирир.
- Джаш къарыу бла кючлю, къарт акъыл бла кючлю.
- Алим болгъандан эсе, адам болгъан къыйынды.
- Къумурсхала джыйылсала, пилни да джыгъадыла.
- Бермеген къол, алмайды.
- Чакъырылмагъан джерге барма, чакъырылгъан джерден къалма.
- Ариу – кёзге, акъыл – джюрекге.
- Ким бла джюрюсенг, аны кёзю бла кёрюнюрсе.
- Насыблы элин сюер, насыбсыз кесин сюер.
- Къошда джокъгъа – юлюш джокъ.
- Окъуусуз билим – джокъ, билимсиз кюнюнг – джокъ.
- Тешигини къатында, чычхан да батыр болур.
- Сёз сёзню айтдырыр.
- Aдам боллукъ, сыфатындан белгили.
Профиль
|
|
|
|||