- Чыкълы кюнде чыкъмагъан, чыкъса къуру кирмеген.
- Акъыл къартда, джашда тюйюлдю – башдады.
- Ата – билек, ана – джюрек!
- Тилчиден кери бол.
- Кёзюнде тереги болгъан, чёбю болгъаннга кюле эди.
- Биреуню тёрюнден, кесинги эшик артынг игиди.
- Атлыны ашхысы, ат тизгининден билинир
- Чабар ат – джетген къыз.
- Тёрени джагъы джокъ.
- Келинни – келгинчи, бёркню кийгинчи кёр.
- Джангызны оту джарыкъ джанмаз!
- Адеб базарда сатылмаз.
- Сютню башын джалагъан къутулур, тюбюн ичген тутулур.
- Айраннга суу къош, телиге джол бош.
- Джолунга кёре – джюрюшюнг, джагъанга кёре – юлюшюнг.
- Элде адам къалмаса, ит тахтагъа минер.
- Чабакъ башындан чирийди.
- Айныгъанлы алты кюн, тогъайгъанлы тогъуз кюн.
- Насыблы элин сюер, насыбсыз кесин сюер.
- Ач къарным, тынч къулагъым.
- Айырылгъанланы айю ашар, бёлюннгенлени бёрю ашар.
- Къралынгы – душмандан, башынгы от бла суудан сакъла.
- Тик ёргени, тик энгишгеси да болады.
- Суу да къайтады чыкъгъан джерине.
- Джаш къарыу бла кючлю, къарт акъыл бла кючлю.
- Уруну арты – къуру.
- Акъыллы – эл иеси, тели – эл баласы.
- Бек ашыкъгъан меннге джетсин, дегенди аракъы.
- Джахил болса анасы, не билликди баласы?
- Къая джолда джортма, ачыкъ сёзден къоркъма.
- Аман къатын сабий табса, бий болур…
- Къартха ушагъан джаш – акъыллы, джашха ушагъан къарт – тели.
- Эрине къаргъыш этген къатын, эрнин къабар.
- Тау башында, тау болмаз, джангыз терек, бау болмаз.
- Бичгенде ашыкъма, тикгенде ашыкъ.
- Минг тенг да азды, бир джау да кёбдю.
- Кёлю джокъну – джолу джокъ.
- Харам къарнашдан, халал тенг ашхы.
- Адебсиз адам – джюгенсиз ат.
- Чомарт бергенин айтмаз.
- Аякъларынгы джууургъанынга кёре узат.
- Махтаннган къыз, тойда джукълар.
- Ауузу бла къуш тута айланады.
- Эринчекни аурууу – кёб.
- Биреу къой излей, биреу той излей.
- Ётюрюкден тюбю джокъ, кёлтюрюрге джиби джокъ.
- Окъуу – билимни ачхычы, окъуу – дунияны бачхычы.
- Сыфатында болмагъаны, суратында болмаз.
- Алим болгъандан эсе, адам болгъан къыйынды.
- Адамны адамлыгъы къыйынлыкъда айгъакъланады.
Профиль
|
|
|
|||