- Къайтырыкъ эшигинги, къаты уруб чыкъма.
- Соргъан айыб тюлдю, билмеген айыбды.
- Тешигини къатында, чычхан да батыр болур.
- Адебсиз адам – джюгенсиз ат.
- Джарлы эскисин джамаса, къууаныр.
- Ашда уялгъан – мухар, ишде уялгъан – хомух.
- Эшекни не къадар тюйсенг да, ат болмаз.
- Джылкъыдан – ат чыгъар, тукъумдан – джаш чыгъар.
- Айранын берсенг, челегин да къызгъанма.
- Башы джабылгъан челекге, кир тюшмез.
- Сабийни джумушха джибер да, ызындан бар.
- Къонакъ болсанг, ийнакъ бол.
- Агъач – джерни чырайы, кийим – эрни чырайы.
- «Ёгюз, джаргъа джууукъ барма, меннге джюк боллукъса», - дегенди эшек.
- Сютден ауузу кюйген, суугъа юфгюре эди.
- Къартха ушагъан джаш – акъыллы, джашха ушагъан къарт – тели.
- Орну джокъну – сыйы джокъ.
- Термилгенинги табмазса, кюлгенинге тюберсе.
- Чоюнну башы ачыкъ болса, итге уят керекди.
- Ашаса, ашамаса да, бёрюню ауузу – къан.
- Къаллай салам берсенг, аллай джууаб алырса.
- Ата Джуртча джер болмаз, туугъан элча эл болмаз.
- Махтаннган къыз, тойда джукълар.
- Биреу къой излей, биреу той излей.
- Джюрек кёзден алгъа кёрюр.
- Ушамагъан – джукъмаз.
- Кийим тукъум сордурур.
- Тойгъан антын унутур.
- Къартны бурнун сюрт да, оноугъа тут.
- Намыс болмагъан джерде, насыб болмаз.
- Иши джокъну, сыйы джокъ.
- Сакъалы текени да бар, мыйыгъы киштикни да бар.
- Аманнга игилик этсенг, юйюнге сау бармазса.
- Иги джашны ышаны – аз сёлешиб, кёб тынгылар.
- Шайтан алдады, тюзлюк къаргъады.
- Кесинг сынамагъан затны, адамгъа буюрма.
- Къралынгы – душмандан, башынгы от бла суудан сакъла.
- Аманны тукъумуна къарама, игини тукъумун сорма.
- Ишлегенден, къарагъан уста.
- Джарлы тюеге минсе да, ит къабар.
- Нарт сёз – тилни бети.
- Ач къарным, тынч къулагъым.
- Адам къаллай бир ишленмесе, аллай бир кесин уллу кёреди.
- Джогъун бар этген, барын бал этген.
- Тили узунну, намысы – къысха.
- Иесиз малны бёрю ашар.
- Иги сёз – джаннга азыкъ, аман сёз башха – къазыкъ.
- Тойгъан джерден туугъан джер игиди.
- Эки къатын алгъан – эки ташны ортасына башын салгъан.
- Къарыусузгъа кюлме, онгсузгъа тийме.
Профиль
|
|
|
|||