- Тилчиден кери бол.
- Къыз тиширыу кеси юйюнде да къонакъды.
- Мени джылытмагъан кюн, меннге тиймесин!
- Байма, деб да, къууанма, джарлыма, деб да, джылама.
- Джети тилни билген джети кишиди.
- Таукел къуру къалмаз.
- Билимсиз иш бармаз.
- Джашда акъыл джокъ, къартда къарыу джокъ.
- Къонакъ кёб келюучю юйню, къазаны отдан тюшмез.
- Акъыл аздырмаз, билим тоздурмаз.
- Аджалсыз ёлюм болмаз.
- Ашхылыкъ джерде джатмайды, аманлыкъ суугъа батмайды.
- Ариу джол аджал келтирмез.
- Джол бла сёзню къыйыры джокъ.
- Тойгъандан сора, ашны сёкме.
- Мен да «сен», дейме, сен да «кесим», дейсе.
- Къарнынг къанлынга кийирир.
- Мадар болса, къадар болур.
- Адам боллукъ, атламындан белгили болур.
- Сангырау къулакъ эл бузар.
- Джарлыны тону джаз битер.
- Мал кёб болса, джууукъ кёб болур.
- Джашынгы кесинг юретмесенг, джашау юретир.
- Кесине гебен этелмеген, биреуге черен эте эди.
- Къаллай салам берсенг, аллай джууаб алырса.
- Ата Джуртун танымагъан, атасын да танымаз.
- Тёзгеннге, джабылгъан эшик ачылыр.
- Ариуну – ауруу кёб.
- Тешик этген тынчды, аны джамагъан къыйынды.
- Джаш къарыу бла кючлю, къарт акъыл бла кючлю.
- Ашыкъгъанны этеги бутуна чырмалыр.
- Эркишини аманы тиширыуну джылатыр.
- Билген билмегенни юретген адетди.
- Къумурсхала джыйылсала, пилни да джыгъадыла.
- Намысы болмагъанны, сыйы болмаз.
- Ишин билген, аны сыйын чыгъарады.
- Кесинг сынамагъан затны, адамгъа буюрма.
- Ач къалгъандан, кеч къалгъан къолай.
- Билмейме деген – бир сёз
- Кютгени беш эчки, сызгъыргъаны уа, джерни джарады.
- Къызын тута билмеген, тул этер, джашын тута билмеген, къул этер.
- Алтыннга тот къонмаз.
- Алим болгъандан эсе, адам болгъан къыйынды.
- Телиге от эт десенг, юйюнге от салыр.
- Аманнга алтын чыдамаз.
- Насыблы элин сюер, насыбсыз кесин сюер.
- Байлыкъ болгъан джерде, тынчлыкъ джокъду.
- Арыгъан къош чамчы болур.
- Къошда джокъгъа – юлюш джокъ.
- Адам къыйынлыгъын кёлтюрюр, зауукълугъун кёлтюрмез.
Профиль
|
|
|
|||