- Джаралыны джастыгъында сау ёлюр.
- Алим болгъандан эсе, адам болгъан къыйынды.
- Телиге от эт десенг, юйюнге от салыр.
- Эркишиге тары кебек танг кёрюнюр.
- Джумушакъ сёз къаты таякъны сындырыр.
- Тилчи бир сагъатха айлыкъ хата этер.
- Халкъгъа джарагъан, джарлы къалмаз.
- Адамны адамлыгъы къыйынлыкъда айгъакъланады.
- Aдам боллукъ, сыфатындан белгили.
- Ётюрюкню къуйругъу – бир тутум.
- Ёксюзню тилеги къабыл болур.
- Тойгъанлыкъ къойгъа джарашады.
- Бети бедерден, намыс сакълама.
- Ёлмесенг да, къарт дамы болмазса?
- Джети тилни билген джети кишиди.
- Къартны бурнун сюрт да, оноугъа тут.
- Аджалсыз ёлюм болмаз.
- Аманнга да, игиге да оноусуз къатышма.
- Алгъанда – джууукъ, бергенде – джау.
- Къайгъыны сюйген, къайгъы табар.
- Арбаз къынгырды да, ийнек сауалмайма.
- Кютгени беш эчки, сызгъыргъаны уа, джерни джарады.
- Мухар, кеси тойса да, кёзю тоймаз.
- Ата Джуртча джер болмаз, туугъан элча эл болмаз.
- Нарт сёз къарт болмаз.
- Мал тутхан – май джалар.
- Биреу къой излей, биреу той излей.
- Тилчиден кери бол.
- Аман адам элни бир-бирине джау этер.
- Биреуню тёрюнден, кесинги эшик артынг игиди.
- Уруну арты – къуру.
- Тилде сюек болмаса да, сюек сындырыр.
- Зар адамны насыбы болмаз.
- Джахил болса анасы, не билликди баласы?
- Гугурук къычырмаса да, тангны атары къалмаз.
- Ариу сёз – къылычдан джити.
- Иги – алгъыш этер, аман – къаргъыш этер.
- Къызбайны юйюне дери сюрсенг, батыр болур.
- Кийиминг бла танылма, адамлыкъ бла таныл.
- Татлы сёз – балдан татлы.
- Асхат ашлыкъ сата, юйдегиси ачдан къата.
- Ат басханны джер билед.
- Гырджын – тепсини тамадасы.
- Терек ауса, отунчу – кёб.
- Чомартны къолу берекет.
- Чарсда алчыны эл кёреди.
- Къуллукъчума, деб махтанма, къуллукъ – хаух джамчыды!
- Намыс сатылыб алынмайды.
- Эли джокъну – кёлю джокъ.
- Юйюнг бла джау болгъандан эсе, элинг бла джау бол.
Профиль
|
|
|
|||