- Чакъырылмагъан къонакъ тёрге атламаз.
- Джумушакъ терекни къурт ашар.
- Хар ишни да аллы къыйынды.
- Ач къарынны, токъ билмез
- Суу кетер, таш къалыр.
- Сыфатында болмагъаны, суратында болмаз.
- Бозаны арты дауур болур.
- Урама да – ёледи, сатама да – келеди.
- Тюзлюк шохлукъну бегитир.
- Кесине оноу эте билмеген, халкъына да эте билмез.
- «Ма», - дегенни билмесенг, «бер», - дегенни билмезсе.
- Хазыр ашха – терен къашыкъ.
- Кёлсюзден сёзсюз тууар.
- Аш берме да, къаш бер.
- Чарсда алчыны эл кёреди.
- Ашда уялгъан – мухар, ишде уялгъан – хомух.
- Тилчи тилден къаныкъмаз.
- Садакъачыны джаны – къапчыгъында.
- Билимли ёлмез, билимсиз кёрмез.
- Чабар ат – джетген къыз.
- Таукелге нюр джауар.
- Намыс болмагъан джерде, насыб болмаз.
- Ёлген эшек бёрюден къоркъмайды.
- Термилгенинги табмазса, кюлгенинге тюберсе.
- Къазанны башы ачыкъ болса, итге уят керекди.
- Чёбню кёлтюрсенг, тюбюнден сёз чыгъар.
- Керти сёзге тёре джокъ.
- Элге къуллукъ этмеген, элге ие болмаз.
- Таула не мийик болсала да, аууш табылыр.
- Булут кёкге джарашыу, уят бетге джарашыу.
- Ауругъан – джашаудан умутчу.
- Джарлы джети элни сёзюн этер.
- Тура эдим джата, къайдан чыкъды хата?
- Эм уллу байлыкъ – джан саулукъ.
- Джаным-тиним – окъуу, билим.
- Биреуню тёрюнден, кесинги эшик артынг игиди.
- Аджашхан тёгерек айланыр.
- Аман киши кеси юйюнде – къонакъ.
- Къралынгы – душмандан, башынгы от бла суудан сакъла.
- Ёгюзню мюйюзлери ауурлукъ этмейдиле.
- Бал – татлы, балдан да бала – татлы.
- Ач бёрюге мекям джокъ.
- Къууут – джелге, берне – бошха.
- Алгъанда – джууукъ, бергенде – джау.
- Ётюрюк хапар аякъ тюбю бла джюрюйдю.
- Адам боллукъ, атламындан белгили болур.
- Уллу суу бла уллу ауруудан башынгы сакъла.
- Билгенни къолу къарны джандырыр.
- Биреуге аманлыкъ этиб, кесинге игилик табмазса.
- Ёзденликни кёбю ётюрюк.
Профиль
|
|
|
|||