- Aдам боллукъ, сыфатындан белгили.
- Акъыл аздырмаз, билим тоздурмаз.
- Тынгылагъан тынгы бузар.
- Келинни – келгинчи, бёркню кийгинчи кёр.
- Къолу уллу – асыу, аягъы уллу – джарсыу.
- Аман хансны – урлугъу кёб.
- Намыс сатылыб алынмайды.
- Ашха уста, юйюнде болсун
- Ашына кёре табагъы, балына кёре къалагъы.
- Байлыкъ тауусулур, билим тауусулмаз.
- Бетинги сатма, малынгы сат.
- Тилчи тилден къаныкъмаз.
- Игилик игилик бла сингдирилиучю затды.
- Ашарыкъда сайлагъаннга – чий гырджын.
- Кесине гебен этелмеген, биреуге черен эте эди.
- Башсыз урчукъ тюзюне айланмаз.
- Этек чакъмакълары баш джаргъан, сёлешген сёзлери таш джаргъан.
- Огъурлуну сёзю – суу, огъурсузну сёзю – уу.
- Ашда уялгъан – мухар, ишде уялгъан – хомух.
- Эринчекни аурууу – кёб.
- Джаш болсун, къыз болсун, акъылы, саны тюз болсун.
- Акъыллы айтыр эди, акъылсыз къоймайды.
- Насыб бютеу халкъны юлюшюдю.
- Азыгъы аз, алгъа къабар, аты аман, алгъа чабар.
- Бал чибинни ургъаны – ачы, балы – татлы.
- Ач бёрюге мекям джокъ.
- Ётюрюкню къуйругъу – бир тутум.
- Адам боллукъ, атламындан белгили болур.
- Рысхы – насыбха къор.
- Джаш къарыу бла кючлю, къарт акъыл бла кючлю.
- Адамны сабийин сюйген джюреги, бычакъча, джитиди.
- Ишин билген, аны сыйын чыгъарады.
- Юй ишлеген балта эшикде къалыр.
- Иги сёз – джаннга азыкъ, аман сёз башха – къазыкъ.
- Ётген ёмюр – акъгъан суу.
- Ариу джол аджал келтирмез.
- Къозулугъунда тоймагъан, къойлугъунда тоймаз.
- Аманнга игилик этсенг, юйюнге сау бармазса.
- Къанны къан бла джуума, аманны аман бла къуума.
- Аз сёлеш, кёб ишле.
- Тюкюрюк баш джармаз, налат кёз чыгъармаз!
- Бир абыннган – минг сюрюнюр.
- Адебни адебсизден юрен.
- Тенги кёбню джау алмаз, акъылы кёбню дау алмаз.
- Акъыл неден да кючлюдю.
- Байлыкъ болгъан джерде, тынчлыкъ джокъду.
- Азыкълы ат арымаз, къатыны аман джарымаз.
- Атадан ёксюз – бир ёксюз, анадан ёксюз – эки ёксюз.
- Эшекге миннген – биринчи айыб, андан джыгъылгъан – экинчи айыб.
- Нарт сёз къарт болмаз.
Профиль
|
|
|
|||