- Билген билмегенни юретген адетди.
- Уллу къазанда бишген эт, чий къалмаз.
- Джогъун бар этген, барын бал этген.
- Аман адам элни бир-бирине джау этер.
- Юреннген ауруу къалмаз.
- Мураты болгъанны джюрек тебюую башхады.
- Къарт болгъан джерде, берекет болур, сабий болгъан джерде, оюн болур.
- Миллетни бойну – базыкъ, аны бла кюрешген – джазыкъ.
- Ишин билген, аны сыйын чыгъарады.
- Телини эшигин, махтау джабар.
- Байма, деб да, къууанма, джарлыма, деб да, джылама.
- Адам боллукъ, атламындан белгили болур.
- Тилчи тилден къаныкъмаз.
- Биреуню тёрюнден, кесинги эшик артынг игиди.
- Ач да бол, токъ да бол – намысынга бек бол.
- Ашлыкъ – бюртюкден, джюн – тюкден.
- Мал ёлсе, сюек къалыр, адам ёлсе, иши къалыр.
- Билмейме деген – бир сёз
- Адам къаллай бир ишленмесе, аллай бир кесин уллу кёреди.
- Ётюрюкчюню шагъаты – къатында.
- Бюгюн дуния кибик, тамбла ахыратды.
- Тюкюрюк баш джармаз, налат кёз чыгъармаз!
- Кенгеш болса, уруш болмаз.
- Ышармагъан – кюлмез, кюлмеген – къууанчны билмез.
- Тил бла келеди джыр да.
- Адам туугъан джеринде, ит тойгъан джеринде.
- Ашын ашагъанынгы, башын да сыйла.
- Эшекни не къадар тюйсенг да, ат болмаз.
- Уруну арты – къуру.
- Керек ташны ауурлугъу джокъ.
- Хар зат кесини орнуна иги.
- Къуллукъчума, деб махтанма, къуллукъ – хаух джамчыды!
- Арбаз къынгырды да, ийнек сауалмайма.
- Къатын байлыкъны сюер, эр саулукъну сюер.
- Этим кетсе да, сюегим къалыр.
- Аманны тукъумуна къарама, игини тукъумун сорма.
- Мухардан ач ычхынмаз.
- Сибиртки да сыйлы болду, кюрек да кюнлю болду.
- Къыз тиширыу кеси юйюнде да къонакъды.
- Джиби бир къат джетмей эди да, эки къат тарта эди.
- Эринчекни аурууу – кёб.
- Сормай – алма, чакъырылмай – барма.
- Окъдан джара эртде-кеч болса да бителир, сёз джара, ёмюрге къалыр.
- Къонакъ хазыр болгъанлыкъгъа, къонакъбай хазыр тюлдю.
- Кютгени беш эчки, сызгъыргъаны уа, джерни джарады.
- Орну джокъну – сыйы джокъ.
- Киштикге къанат битсе, чыпчыкъ къалмаз эди.
- Нарт сёз – тилни бети.
- Уллу суу бла уллу ауруудан башынгы сакъла.
- Иши джокъну, сыйы джокъ.
Профиль
|
|
|
|||