- Игилик игилик бла сингдирилиучю затды.
- Джашлыкъ этмеген, башлыкъ этмез.
- Эрни эр этерик да, къара джер этерик да, тиширыуду.
- Иги – алгъыш этер, аман – къаргъыш этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашаса, ашамаса да, бёрюню ауузу – къан.
- Алим болгъандан эсе, адам болгъан къыйынды.
- Къан бла кирген, джан бла чыгъар.
- Ханы къызы буюгъа-буюгъа киштик болду.
- Татлы тилде – сёз ариу, чемер къолда – иш ариу.
- Эллинг бла джау болсанг да, юйюнг бла джау болма.
- Намыс сатылыб алынмайды.
- Суу ичген шауданынга тюкюрме.
- Тойну къарнашы – харс, джырны къарнашы – эжиу.
- Ишлемеген – тишлемез.
- Къолу уллу – асыу, аягъы уллу – джарсыу.
- Джан саулукъ бермей, сан саулукъ бермезсе.
- Термилгенинги табмазса, кюлгенинге тюберсе.
- Ачны эсинде – аш.
- Адамны артындан къара сабан сюрме.
- Артына баргъанны, къатына барма.
- Ашхы адам – халкъ байлыгъы, ашхы джер – джашау байлыгъы.
- Бюгюн дуния кибик, тамбла ахыратды.
- Ёнгкюч къууана барыр, джылай келир.
- Эки элинги тыйсанг, джети элде махталырса.
- Акъыл сабырлыкъ берир.
- Джети тилни билген джети кишиди.
- Адебсиз адам – джюгенсиз ат.
- Аджашханны ызындагъы кёреди, джангылгъанны джанындагъы биледи.
- Ётюрюк хапар аякъ тюбю бла джюрюйдю.
- Тюкюрюк баш джармаз, налат кёз чыгъармаз!
- Хар адамгъа кеси миннген тау кибик.
- Зар адамны насыбы болмаз.
- Ашхы атаны – джашы ашхы, ашхы ананы – къызы ашхы.
- Ёлген эшек бёрюден къоркъмайды.
- Кюн кёрмеген, кюн кёрсе, кюндюз чыракъ джандырыр.
- Битмегеннге сакъал – танг.
- Халкъгъа джарагъан, джарлы къалмаз.
- Ётюрюкден тюбю джокъ, кёлтюрюрге джиби джокъ.
- Къызгъанчдан ычхыныр, мухардан ычхынмаз.
- Къаллай салам берсенг, аллай джууаб алырса.
- Джарлы эскисин джамаса, къууаныр.
- Билим ат болуб да чабар, къуш болуб да учар.
- Чабакъгъа акъыл, табагъа тюшсе келеди.
- Джыланны къуйругъундан басарынг келсе, аны башы болгъанын унутма.
- Билими азны – ауузунда кирит.
- Кюл тюбюндеги от кёрюнмейди.
- Чабакъсыз кёлге къармакъ салгъанлыкъгъа, чабакъ тутмазса.
- Эли джокъну – кёлю джокъ.
- Ким бла джюрюсенг, аны кёзю бла кёрюнюрсе.
Профиль
|
|
|
|||