Эльбрусоид :: Форум

Эм ашхы къайын ана мамукъ бла башынгы тешер.
Къайгъы тюбю – тенгиз.
Эртде тургъан бла эртде юйленнген сокъуранмаз.
Бир абыннган – минг сюрюнюр.
Итли къонакъ джарашмаз.
Къарт болгъан джерде, берекет болур, сабий болгъан джерде, оюн болур.
Чабакъ башындан чирийди.
Сёлеш деб шай берген, тохта деб, сом берген.
Онгсузну – джакъла, тенгликни – сакъла.
Къарнынг тойгъунчу аша да, белинг талгъынчы ишле.
Чомартны къолун джокълукъ байлар.
Ойнай билмеген, уруб къачар.
Акъдан къара болмаз.
Келлик заман – къартлыкъ келтирир, кетген заман – джашлыкъ ёлтюрюр.
Хар адамгъа кеси миннген тау кибик.
Тойгъан антын унутур.
Сормай – алма, чакъырылмай – барма.
Къонакъ аман болса, къонакъбай джунчур
Ариу сёз – къылычдан джити.
Иесиз малны бёрю ашар.
Байны къызы баймакъ болса да, юйде къалмаз!
Ёлген аслан – сау чычхан.
Аман адам элни бир-бирине джау этер.
Къарыусузгъа кюлме, онгсузгъа тийме.
Керилген да, ургъан кибикди.
Хантына кёре тузу, юйюне кёре къызы.
Намыс сатылыб алынмайды.
Суугъа – таянма, джаугъа – ийнанма.
Къонакъ кёб келюучю юйню, къазаны отдан тюшмез.
Азыгъы аз, алгъа къабар, аты аман, алгъа чабар.
Акъылсызны джууукъгъа алма, акъыллыны кенгнге салма.
Ашлыкъ – бюртюкден, джюн – тюкден.
Малны кют, джерни тюрт.
Эринчекге кюн узун.
Айран тёгюлсе, джугъусу къалыр.
Мени джылытмагъан кюн, меннге тиймесин!
Ата джурт – алтын бешик.
Хар ишни да аллы къыйынды.
Тенгинг джокъ эсе – изле, бар эсе – сакъла!
Таякъ этден ётер, тил сюекден ётер.
Насыб бютеу халкъны юлюшюдю.
Джеринден айырылгъан – джети джылар, джуртундан айырылгъан – ёлгюнчю джылар.
Ашыкъгъанны этеги бутуна чырмалыр.
Джаралыны джастыгъында сау ёлюр.
Айранын берсенг, челегин да къызгъанма.
Окъугъанны бети джарыкъ.
Ауурну тюбю бла, дженгилни башы бла джюрюген.
Чыбыкълыкъда бюгюлмеген, къазыкълыкъда бюгюлмей эди.
Къызгъанчдан ычхыныр, мухардан ычхынмаз.
Адамны бетине къарама, адетине къара.

Логин:
Пароль:
	Запомнить меня на этом компьютере

Забыли свой пароль?
Регистрация