Эльбрусоид :: Форум

Адам сёзюнден белгили.
Кенгеш болса, уруш болмаз.
Огъурлуну сёзю – суу, огъурсузну сёзю – уу.
Ашхы атаны – джашы ашхы, ашхы ананы – къызы ашхы.
Джаз бир кюнню джатсанг, къыш талай кюнню абынырса.
Орундукъ тюбюнде атылсам да, орта джиликме, де да айлан.
Эллинг бла джау болсанг да, юйюнг бла джау болма.
Минг тенг да азды, бир джау да кёбдю.
Болджал ишни бёрю ашар.
Ауругъаннга – кийик саулукъ, джетген къызгъа – чилле джаулукъ.
Зарда марда джокъ.
Джашынгы кесинг юретмесенг, джашау юретир.
Ачылгъан эт джабылыр, кёрген кёз унутмаз.
Джаш къарыу бла кючлю, къарт акъыл бла кючлю.
Бастасын ашагъан, хантусун да ичер.
Кийим тукъум сордурур.
Чомарт къонакъ юй иесин сыйлар.
Байдан умут эте, джарлыдан ёгюз багъасы къорады.
Агъач халкъгъа алтынды, иссиликге салкъынды.
Джылыгъа джылан илешир.
Окъугъан – асыу, окъумагъан – джарсыу.
Къобан да къуру да къобханлай турмайды, адам да къуру да патчахлай турмайды.
Адамны артындан къара сабан сюрме.
Тойгъанлыкъ къойгъа джарашады.
Эри аманны, къатыны – аман.
Къонакъ болсанг, ийнакъ бол.
Джеринден айырылгъан – джети джылар, джуртундан айырылгъан – ёлгюнчю джылар.
Малны кют, джерни тюрт.
Адебсиз адам – джюгенсиз ат.
Къуру гыбыт бек дыгъырдар.
Кёбге таш атма.
Аманны тукъумуна къарама, игини тукъумун сорма.
Билимден уллу байлыкъ джокъду.
Къарт айтханны этмеген, къартаймаз.
Бозанг болмагъан джерге, къалагъынгы сукъма.
Эркиши – от, тиширыу – суу.
Ата Джуртча джер болмаз, туугъан элча эл болмаз.
Ариуну – ауруу кёб.
Хатерли къул болур.
Урама да – ёледи, сатама да – келеди.
Махтаннган къыз, тойда джукълар.
Мухарны эси – ашарыкъда.
Келинни – келгинчи, бёркню кийгинчи кёр.
Насыб бютеу халкъны юлюшюдю.
Эшекге миннген – биринчи айыб, андан джыгъылгъан – экинчи айыб.
Хунаны тюбюн къазсанг, юсюнге ауар.
Къазанда болса, чолпугъа чыгъар.
Эрине къаргъыш этген къатын, эрнин къабар.
Къазанны башы ачыкъ болса, итге уят керекди.
Башда акъыл болмаса, эки аякъгъа кюч джетер.

Логин:
Пароль:
	Запомнить меня на этом компьютере

Забыли свой пароль?
Регистрация