- Джыйырма къойну юч джыйырма эбзе кюте эди.
- Алим болгъандан эсе, адам болгъан къыйынды.
- Ашхы тенг джолгъа салыр, аман тенг джолдан тайдырыр.
- Харам къарнашдан, халал тенг ашхы.
- Нёгер болсанг, тенг бол, тенг болмасанг, кенг бол.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомартха Тейри да борчлуду.
- Босагъа таш юйге кирмей эди, тыбыр таш эшикге чыкъмай эди.
- Айтхан – тынч, этген – къыйын.
- Ариу – кёзге, акъыл – джюрекге.
- Тили узунну, намысы – къысха.
- Акъыллы – эл иеси, тели – эл баласы.
- Акъыллы эркиши атын махтар, акъылсыз эркиши къатынын махтар.
- Эл ауузу – элия.
- Аманнга игилик этсенг, юйюнге сау бармазса.
- Бермеген къол, алмайды.
- Элге къуллукъ этмеген, элге ие болмаз.
- Баргъанынга кёре болур келгенинг.
- Эрине къаргъыш этген къатын, эрнин къабар.
- Суугъа – таянма, джаугъа – ийнанма.
- Аджашхан тёгерек айланыр.
- Окъумагъан сокъурду, сокъур ташха абыныр!
- Тилде сюек болмаса да, сюек сындырыр.
- Къайгъыны сюйген, къайгъы табар.
- Ата – баланы уясы.
- Кёл ашады да, кеси ашады.
- Эм уллу байлыкъ – джан саулукъ.
- Артына баргъанны, къатына барма.
- Сютден ауузу кюйген, суугъа юфгюре эди.
- Айныгъанлы алты кюн, тогъайгъанлы тогъуз кюн.
- Нафысынгы айтханын этме, намысынгы айтханын эт.
- Къумурсхала джыйылсала, пилни да джыгъадыла.
- Аууздан келген, къолдан келсе, ким да патчах болур эди.
- Иги – алгъыш этер, аман – къаргъыш этер.
- Бал – татлы, балдан да бала – татлы.
- Къонакъ болсанг, ийнакъ бол.
- Адамны сабийин сюйген джюреги, бычакъча, джитиди.
- Иги адам абынса да, джангылмаз.
- Ач къарынны, токъ билмез
- Байлыкъ тауусулур, билим тауусулмаз.
- Джырчы ёлсе, джыры къалыр.
- Ата Джуртча джер болмаз, туугъан элча эл болмаз.
- Зарда марда джокъ.
- Кёкдеги болмаса, джердегин кёрмейди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёгюзню мюйюзлери ауурлукъ этмейдиле.
- Биреуню къыйынлыгъы бла кесинге джол ишлеме.
- Къралынгы – душмандан, башынгы от бла суудан сакъла.
- Арпа, будай – ащды, алтын, кюмюш а – ташды.
- Эр сокъур болсун, къатын тилсиз болсун.
Профиль
|
ниагара
 Эльбрусоид
Cообщений: 118
Баллов: 94
Регистрация: 13.06.2015
Последний визит: 07.02.2016 02:40:06
|
|
||||||
|
|
|
||||||