- Чакъырылмагъан къонакъ – орунсуз.
- «Ма», - дегенни билмесенг, «бер», - дегенни билмезсе.
- Киштикге къанат битсе, чыпчыкъ къалмаз эди.
- Къарт айтханны этмеген, къартаймаз.
- Акъыллы айтыр эди, акъылсыз къоймайды.
- Болджал ишни бёрю ашар.
- Джарашыу сюйген – джалынчакъ.
- Тенгинг джокъ эсе – изле, бар эсе – сакъла!
- Башда акъыл болмаса, эки аякъгъа кюч джетер.
- Тенги кёбню джау алмаз, акъылы кёбню дау алмаз.
- Кюн – узун, ёмюр – къысха.
- Ишленмеген джаш – джюгенсиз ат, ишленмеген къыз – тузсуз хант.
- Тенгни тенглиги джашай барсанг билинир.
- Уллу сёлешме да, уллу къаб.
- Керилген да, ургъан кибикди.
- Аджалсыз ёлюм болмаз.
- Бети бедерден, намыс сакълама.
- Гитче джилтин уллу элни джандырыр.
- Башсыз урчукъ тюзюне айланмаз.
- Ётюрюкню башын керти кесер.
- Кенгеш болса, уруш болмаз.
- Акъыллы – эл иеси, тели – эл баласы.
- Джаханимни кёрмей, джандетге кёл салмазса.
- Эрине къаргъыш этген къатын, эрнин къабар.
- Адам къаллай бир ишленмесе, аллай бир кесин уллу кёреди.
- Ашлыкъны арба юйге келтирир, чана базаргъа элтир.
- Гырджын – тепсини тамадасы.
- Ичимден чыкъды хата, къайры барайым сата?
- Тил бла келеди джыр да.
- Тиширыусуз юй – отсуз от джагъа.
- Тойгъа барсанг, тоюб бар, эски тонунгу къоюб бар.
- Битмегеннге сакъал – танг.
- Рысхысына кёре, джаш ёсер, къышлыгъына кёре, мал ёсер.
- Ариу сёз джыланны орнундан чыгъарыр.
- Ариу – кёзге, акъыл – джюрекге.
- Артына баргъанны, къатына барма.
- Кеси юйюмде мен да ханма.
- Ат басханны джер билед.
- Мухардан ач ычхынмаз.
- Ариу джол аджал келтирмез.
- Азыкълы ат арымаз, къатыны аман джарымаз.
- Ауругъаннга – кийик саулукъ, джетген къызгъа – чилле джаулукъ.
- Ачлыкъда тары гырджын халыуадан татлы.
- Джылар джаш, атасыны сакъалы бла ойнар.
- Къыз келсе, джумуш эте келеди, къатын келсе, ушакъ эте келеди.
- Иги адам абынса да, джангылмаз.
- Кёб джашагъан – кёб билир.
- Мен да «сен», дейме, сен да «кесим», дейсе.
- Экиндини кеч къылсанг, чабыб джетер ашхам.
- Чабар ат – джетген къыз.
Профиль
|
|
|
|||