- Ариу сёз – къылычдан джити.
- Суугъа – таянма, джаугъа – ийнанма.
- Уллу сёзде уят джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Чомарт бергенин айтмаз.
- Башы ишлегенни, ауузу да ишлер.
- Къартха ушагъан джаш – акъыллы, джашха ушагъан къарт – тели.
- Ишин билген, аны сыйын чыгъарады.
- Сёз садакъдан кючлюдю.
- Кесине оноу эте билмеген, халкъына да эте билмез.
- Билим къая тешер.
- Тик ёргени, тик энгишгеси да болады.
- Аш кетер да бет къалыр.
- Арпа, будай – ащды, алтын, кюмюш а – ташды.
- Джукъу тёшек сайламайды.
- Ёлген эшек бёрюден къоркъмайды.
- Чыбыкълыкъда бюгюлмеген, къазыкълыкъда бюгюлмей эди.
- Керек ташны ауурлугъу джокъ.
- Тенги кёбню джау алмаз, акъылы кёбню дау алмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Сакъ юйюне сау барыр.
- Ишлерге уял да, ашаргъа табма.
- Аманны тукъумуна къарама, игини тукъумун сорма.
- Къартны сыйын кёрмеген, къартлыгъында сыйлы болмаз.
- Бир абыннган – минг сюрюнюр.
- Ариу джол аджал келтирмез.
- Джаным-тиним – окъуу, билим.
- Ач къарным, тынч къулагъым.
- Аджаллыгъа окъсуз шкок атылыр.
- От кюйдюрген, сау болса да, тот кюйдюрген, сау болмаз.
- Иги адамны бир сёзю эки болмаз.
- Къарнынг ауруса, ауузунгу тый
- Къобан да къуру да къобханлай турмайды, адам да къуру да патчахлай турмайды.
- Къартны бурнун сюрт да, оноугъа тут.
- Башы джабылгъан челекге, кир тюшмез.
- Билимден уллу байлыкъ джокъду.
- Ёлюк кебинсиз къалмаз.
- Таш ата билмеген, башына урур.
- Ач бёрюге мекям джокъ.
- Чоюнну башы ачыкъ болса, итге уят керекди.
- Окъумагъан сокъурду, сокъур ташха абыныр!
- Къыз тиширыу кеси юйюнде да къонакъды.
- Хансыз джомакъ болмаз.
- Кюлме джашха – келир башха.
- Чомарт къонакъ юй иесин сыйлар.
- Тил – кесген бычакъ, сёз – атылгъан окъ.
- Ишни ахырын ойламай, аллын башлама.
- Ашхылыкъ джерде джатмайды, аманлыкъ суугъа батмайды.
- Бюгюн дуния кибик, тамбла ахыратды.
- Уруну арты – къуру.
Профиль
|
|
|
|||