- Суу ичген шауданынга тюкюрме.
- Ариу сёз аурууунгу алыр.
- Бал ашаргъа сюе эсенг, чибин ургъаннга тёз.
- Тыш элде солтан болгъандан эсе, кесинги элде олтан болгъан игиди!
- Кёл ашады да, кеси ашады.
- Джеринден айырылгъан – джети джылар, джуртундан айырылгъан – ёлгюнчю джылар.
- Бозаны арты дауур болур.
- Къонагъынгы артмагъын алма да, алгъышын ал.
- Элде адам къалмаса, ит тахтагъа минер.
- Къая джолда джортма, ачыкъ сёзден къоркъма.
- Гырджын – тепсини тамадасы.
- Татлы сёз – балдан татлы.
- Келинни – келгинчи, бёркню кийгинчи кёр.
- Байны къызы баймакъ болса да, юйде къалмаз!
- Азыгъы аз, алгъа къабар, аты аман, алгъа чабар.
- Кюлме джашха – келир башха.
- Таукелге нюр джауар.
- Джырчы ёлсе, джыры къалыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адам къаллай бир ишленмесе, аллай бир кесин уллу кёреди.
- Арыгъан къош чамчы болур.
- Телини эшигин, махтау джабар.
- Иесиз малны бёрю ашар.
- Адамны аманы адамны бети бла ойнар.
- Ёлюк кебинсиз къалмаз.
- Сабыр джетер муратха, сабырсыз къалыр уятха.
- Кёбге таш атма.
- Биреуню тёрюнден, кесинги эшик артынг игиди.
- Эринчекни аурууу – кёб.
- Джашны джигитлиги сорулур, къызны джигерлиги сорулур.
- Шапа кёб болса, аш татымсыз болур.
- Ётюрюкню къуйругъу – бир тутум.
- Эки элинги тыйсанг, джети элде махталырса.
- Ашхы тенг джолгъа салыр, аман тенг джолдан тайдырыр.
- Ана къолу ачытмаз.
- Атлыны ашхысы, ат тизгининден билинир
- Адамны бетине къарама, адетине къара.
- Къазанчы аман болса, къазаны къайнамаз.
- Юйлю уругъа ит чабмаз.
- Аман хансны – урлугъу кёб.
- Кесинге джетмегенни, кёб сёлешме.
- Хата – гитчеден.
- Ашда – бёрю, ишде – ёлю.
- Кёлсюзден сёзсюз тууар.
- Ашха уста, юйюнде болсун
- Ойнай-ойнай кёз чыгъар.
- Джумушакъ сёз къаты таякъны сындырыр.
- Оюмсуз атлагъан, аджалсыз ёлюр.
- Этим кетсе да, сюегим къалыр.
- Юй кюйдю да, кюйюз чыкъды, ортасындан тюйюш чыкъды.
Профиль
|
|
|
|||