- Намыс болмагъан джерде, насыб болмаз.
- Харам къарнашдан, халал тенг ашхы.
- Ариу сёз – джаннга азыкъ, аман сёз – башха къазыкъ.
- Джашны джигитлиги сорулур, къызны джигерлиги сорулур.
- Джолунга кёре – джюрюшюнг, джагъанга кёре – юлюшюнг.
- Кёзюнде тереги болгъан, чёбю болгъаннга кюле эди.
- Намысы джокъну – дуниясы джокъ.
- Мураты болгъанны джюрек тебюую башхады.
- Джарлыны тону джаз битер.
- Оюмсуз атлагъан, аджалсыз ёлюр.
- Адамны бетине къарама, адетине къара.
- Сагъыш – къартлыкъгъа сюйюмчю.
- Адамны аты башхача, акъылы да башхады.
- Кёз – сюйген джерде, къол – ауругъан джерде.
- Къайтырыкъ эшигинги, къаты уруб чыкъма.
- Кенгеш болса, уруш болмаз.
- Къошда джокъгъа – юлюш джокъ.
- Айтхан – тынч, этген – къыйын.
- Къарнынг къанлынга кийирир.
- Аз айтсам, кёб ангылагъыз.
- Тилде сюек болмаса да, сюек сындырыр.
- Эте билген, этген этеди, эте билмеген, юретген этеди!
- Адам къаллай бир ишленмесе, аллай бир кесин уллу кёреди.
- Адамны джюреги нени кёрюрге сюйсе, кёзю да аны кёрюрге ёч болады.
- Мал ёлсе, сюек къалыр, адам ёлсе, иши къалыр.
- Эки къатын алгъанны къулагъы тынгнгаймаз.
- Айтылгъан сёз ызына къайтмаз.
- Акъыл сабырлыкъ берир.
- Юй ишлеген балта эшикде къалыр.
- Иги адам абынса да, джангылмаз.
- Ата Джуртча джер болмаз, туугъан элча эл болмаз.
- Ким бла джюрюсенг, аны кёзю бла кёрюнюрсе.
- Джыгъылгъанны сырты джерден тоймаз.
- Ачны эсинде – аш.
- Элни кючю – эмеген.
- Иги джашны ышаны – аз сёлешиб, кёб тынгылар.
- Окъумагъан сокъурду, сокъур ташха абыныр!
- Окъугъанны бети джарыкъ.
- Ётюрюкчюню шагъаты – къатында.
- Къан бла кирген, джан бла чыгъар.
- Кёкдеги болмаса, джердегин кёрмейди.
- Бойнуму джети джерден кессенг да, мен ол ишни этеллик тюлме.
- Джыланны къуйругъундан басарынг келсе, аны башы болгъанын унутма.
- Ата джурт – алтын бешик.
- Таукелге нюр джауар.
- Хансыз джомакъ болмаз.
- Ашына кёре табагъы, балына кёре къалагъы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тюзню ётмеги тюзде къалса да, тас болмаз.
- Ашда уялгъан – мухар, ишде уялгъан – хомух.
Профиль
|
|
|
|||