- Бюгюн дуния кибик, тамбла ахыратды.
- Бек анасы джыламаз.
- Керилген да, ургъан кибикди.
- Эри аманны, къатыны – аман.
- Ат басханны джер билед.
- Агъач халкъгъа алтынды, иссиликге салкъынды.
- Ойнай-ойнай кёз чыгъар.
- Ариу сёз аурууунгу алыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тыш элде солтан болгъандан эсе, кесинги элде олтан болгъан игиди!
- Билгенни къолу къарны джандырыр.
- Адамны сыфатына къарама, сёзюне къара.
- Чабакъсыз кёлге къармакъ салгъанлыкъгъа, чабакъ тутмазса.
- Аш берме да, къаш бер.
- Сабийликде юретмесенг, уллу болса – тюзелмез.
- Къолу уллу – асыу, аягъы уллу – джарсыу.
- Къарт болгъан джерде, берекет болур, сабий болгъан джерде, оюн болур.
- Алтыда кюлмеген, алтмышда кюлмез.
- Ашхы адам – халкъ байлыгъы, ашхы джер – джашау байлыгъы.
- Кеси юйюмде мен да ханма.
- Харам къарнашдан, халал тенг ашхы.
- Гугук кесини атын айтыб къычыргъанча, мен, мен деб нек тураса?
- Айныгъанлы алты кюн, тогъайгъанлы тогъуз кюн.
- Билмейме деген – бир сёз
- Адам боллукъ, атламындан белгили болур.
- Ашхы – джыяр, аман – джояр.
- Суугъа – чабакъ, къаягъа – ыргъакъ.
- Келлик заман – къартлыкъ келтирир, кетген заман – джашлыкъ ёлтюрюр.
- Ашхы атаны – джашы ашхы, ашхы ананы – къызы ашхы.
- Биреуню къыйынлыгъы бла кесинге джол ишлеме.
- Джаханимни кёрмей, джандетге кёл салмазса.
- Аман адамны тепсинге олтуртсанг, къызынгы тилер.
- Айтхан – тынч, этген – къыйын.
- Аман киши кеси юйюнде – къонакъ.
- Аджал соруб келмез, келсе, къайтыб кетмез.
- Сескекли кесин билдирир.
- Ата Джуртун танымагъан, атасын да танымаз.
- Ариуну – ауруу кёб.
- Къайгъы тюбю – тенгиз.
- Къатыны харакетли болса, эри къымсыз болур.
- Адеб джокъда, намыс джокъ.
- Ёгюзню мюйюзлери ауурлукъ этмейдиле.
- Иги – алгъыш этер, аман – къаргъыш этер.
- Эллинг бла джау болсанг да, юйюнг бла джау болма.
- Айыбны суу бла джууалмазса.
- Къартны бурнун сюрт да, оноугъа тут.
- Юйюнг бла джау болгъандан эсе, элинг бла джау бол.
- Хар сёзню орну барды.
- Адамны бетине къарама, адетине къара.
- Тили узунну, намысы – къысха.
Профиль
|
|
|
|||