- Хар сёзню орну барды.
- Огъурлуну сёзю – суу, огъурсузну сёзю – уу.
- Таш ата билмеген, башына урур.
- Тиширыусуз юй – отсуз от джагъа.
- Ашда уялгъан – мухар, ишде уялгъан – хомух.
- Таш бла ургъанны, аш бла ур.
- Экиндини кеч къылсанг, чабыб джетер ашхам.
- Джетген къыз джерли эшекни танымаз.
- Биреуню къыйынлыгъы бла кесинге джол ишлеме.
- Мадар болса, къадар болур.
- Къоркъакъны кёзю экили кёрюр.
- Нафысынгы айтханын этме, намысынгы айтханын эт.
- Чакъырылмай келген къонакъ сыйланмай кетер.
- Хантына кёре тузу, юйюне кёре къызы.
- Бойнуму джети джерден кессенг да, мен ол ишни этеллик тюлме.
- Суугъа – чабакъ, къаягъа – ыргъакъ.
- Терслик кетер, тюзлюк джетер.
- Ариу сёзде ауруу джокъ.
- Бал ашаргъа сюе эсенг, чибин ургъаннга тёз.
- Аш хазыр болса, иш харам болур.
- Аман адамны тепсинге олтуртсанг, къызынгы тилер.
- Иги адамны бир сёзю эки болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Келинин тута билмеген, къул этер, къызын тута билмеген, тул этер.
- Таякъ этден ётер, тил сюекден ётер.
- Кёзню ачылгъаны – иги, ауузну джабылгъаны – иги.
- Билими азны – ауузунда кирит.
- От этилмеген джерден тютюн чыкъмайды.
- Ачлыкъ отха секиртир.
- Бал – татлы, балдан да бала – татлы.
- Тынгылагъан тынгы бузар.
- Башсыз урчукъ тюзюне айланмаз.
- Уясында не кёрсе, учханында аны этер.
- Хар адамгъа кеси миннген тау кибик.
- Иесиз малны бёрю ашар.
- Тёрени джагъы джокъ.
- Кийимни бир кюнню аясанг, минг кюннге джарар.
- Джашынгы кесинг юретмесенг, джашау юретир.
- Акъыллы эркиши атын махтар, акъылсыз эркиши къатынын махтар.
- Кесинг сынамагъан затны, адамгъа буюрма.
- Джюз элде джюз ёгюзюм болгъандан эсе, джюз джууугъум болсун.
- Тилчи бир сагъатха айлыкъ хата этер.
- Этек чакъмакълары баш джаргъан, сёлешген сёзлери таш джаргъан.
- Ачлыкъда тары гырджын халыуадан татлы.
- Къарнынг ауруса, ауузунгу тый
- Болджал ишни бёрю ашар.
- Адам боллукъ, атламындан белгили болур.
- Кесинге джетмегенни, кёб сёлешме.
- Къартха ушагъан джаш – акъыллы, джашха ушагъан къарт – тели.
- Адамны адамлыгъы къыйынлыкъда айгъакъланады.
Профиль
|
|
|
|||