- Тёрде – темир таякълы, къаяда – чыпчыкъ аякълы.
- Тели турса – той бузар.
- Къызын тута билмеген, тул этер, джашын тута билмеген, къул этер.
- Джарлы джети элни сёзюн этер.
- Ата – баланы уясы.
- Тилчи бир сагъатха айлыкъ хата этер.
- Кёб джашагъан – кёб билир.
- Къулакъдан эсе, кёзге ышан.
- Ашхы сёз таш тешер.
- Ашхылыкъ джерде джатмайды, аманлыкъ суугъа батмайды.
- Тёрдеги кюлсе, эшикдеги ышарыр.
- Ариу сёз аурууунгу алыр.
- Ач келгенни – тойдур, кеч келгенни – къондур.
- Аман адамны тепсинге олтуртсанг, къызынгы тилер.
- Эшекни не къадар тюйсенг да, ат болмаз.
- Аман эсирсе, юйюн ояр.
- Намысы джокъну – дуниясы джокъ.
- Биреу къой излей, биреу той излей.
- Уруну арты – къуру.
- Тиширыусуз юй – отсуз от джагъа.
- Эки къатын алгъан – эки ташны ортасына башын салгъан.
- Сютден ауузу кюйген, суугъа юфгюре эди.
- Билеги кючлю, бирни джыгъар, билими кючлю, мингни джыгъар.
- Къарт бла баш аша, джаш бла аякъ аша.
- Чомартха Тейри да борчлуду.
- Чёбню кёлтюрсенг, тюбюнден сёз чыгъар.
- Керек ташны ауурлугъу джокъ.
- Ачыкъ джюрекге джол – ачыкъ.
- Сабийни джумушха джибер да, ызындан бар.
- Айран тёгюлсе, джугъусу къалыр.
- Айтханы чапыракъдан ётмеген.
- Билмегенинги, билгеннге сор.
- Ашарыкъда сайлагъаннга – чий гырджын.
- Нафысынгы айтханын этме, намысынгы айтханын эт.
- Арба аугъандан сора, джол кёргюзтюучю кёб болур.
- Атлыны кёрсе, джаяуну буту талыр.
- Сабий болмагъан джерде, мёлек болмаз.
- Эллинг бла джау болсанг да, юйюнг бла джау болма.
- Адамны артындан къара сабан сюрме.
- Аджалсыз ёлюм болмаз.
- Къралынгы – душмандан, башынгы от бла суудан сакъла.
- Термилгенинги табмазса, кюлгенинге тюберсе.
- Терек ауса, отунчу – кёб.
- Тура эдим джата, къайдан чыкъды хата?
- Шапа кёб болса, аш татымсыз болур.
- Танг атмайма десе да, кюн къоярыкъ тюйюлдю.
- Къонакъ аз олтурур, кёб сынар.
- Джукъу тёшек сайламайды.
- Тамчы таш тешер.
- Тешик этген тынчды, аны джамагъан къыйынды.
Профиль
|
|
|
|||