- Адеб джокъда, намыс джокъ.
- Аман эсирсе, юйюн ояр.
- Болджал ишни бёрю ашар.
- Ашхы болсанг, атынг чыгъар, аман болсанг, джанынг чыгъар.
- Джаралыны джастыгъында сау ёлюр.
- Билим насыб берир, билим джолну керир.
- Мени джылытмагъан кюн, меннге тиймесин!
- Юй ишлеген балта эшикде къалыр.
- Акъыллы – эл иеси, тели – эл баласы.
- Ата – баланы уясы.
- Ат басханны джер билед.
- Джарлы джети элни сёзюн этер.
- Ауругъан – джашаудан умутчу.
- Сабыр джетер муратха, сабырсыз къалыр уятха.
- Ханы къызы буюгъа-буюгъа киштик болду.
- Таукел адам тау тешер.
- Ишни ахырын ойламай, аллын башлама.
- Гугук кесини атын айтыб къычыргъанча, мен, мен деб нек тураса?
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къонакъны къачан кетерин сорма, къачан келлигин сор.
- Къумурсхала джыйылсала, пилни да джыгъадыла.
- Тилчи тилден къаныкъмаз.
- Къатыны харакетли болса, эри къымсыз болур.
- Мураты болгъанны джюрек тебюую башхады.
- Тюз сёз баргъан сууну тыяр.
- Билген билмегенни юретген адетди.
- Ата Джуртун танымагъан, атасын да танымаз.
- Къаллай салам берсенг, аллай джууаб алырса.
- Ата джурт – алтын бешик.
- Хунаны тюбюн къазсанг, юсюнге ауар.
- Ашыкъгъанны этеги бутуна чырмалыр.
- Ариуну – ауруу кёб.
- Къонагъынгы артмагъын алма да, алгъышын ал.
- Джылыгъа джылан илешир.
- Хар адамгъа кеси миннген тау кибик.
- Зар адам ашынгы ашар, кесинги сатар.
- Акъыллы айтыр эди, акъылсыз къоймайды.
- Джюз элде джюз ёгюзюм болгъандан эсе, джюз джууугъум болсун.
- Юйлю уругъа ит чабмаз.
- Ариу – кёзге, акъыл – джюрекге.
- Кийимни бичсенг, кенг бич, тар этген къыйын тюлдю.
- Атлыны кёрсе, джаяуну буту талыр.
- Къарт бла баш аша, джаш бла аякъ аша.
- Ёгюзню мюйюзюнден тутадыла, адамны сёзюнден тутадыла.
- Хазыр ашха – терен къашыкъ.
- Сыфатында болмагъаны, суратында болмаз.
- Абынмазлыкъ аякъ джокъ, джангылмазлыкъ джаякъ джокъ.
- Джан саулукъ бермей, сан саулукъ бермезсе.
- Ачыу алгъа келсе, акъыл артха къалады.
- Эки къатын алгъанны къулагъы тынгнгаймаз.
Профиль
|
|
|
|||