- Бойнуму джети джерден кессенг да, мен ол ишни этеллик тюлме.
- Окъуусуз билим – джокъ, билимсиз кюнюнг – джокъ.
- Къызны минг тилер, бир алыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эрине къаргъыш этген къатын, эрнин къабар.
- Кесинге джетмегенни, кёб сёлешме.
- Кечеси – аяз, кюню – къыш, джарлы къаргъагъа бир аш тюш!
- Мал ёлсе, сюек къалыр, адам ёлсе, иши къалыр.
- Шайтан алдады, тюзлюк къаргъады.
- Окъугъан озар, окъумагъан тозар.
- Къатыны харакетли болса, эри къымсыз болур.
- Сескекли кесин билдирир.
- Бичгенде ашыкъма, тикгенде ашыкъ.
- Ач да бол, токъ да бол – намысынга бек бол.
- Байны къызы баймакъ болса да, юйде къалмаз!
- Ата Джуртун танымагъан, атасын да танымаз.
- Элни кючю – эмеген.
- Илму – джашауну джолу.
- Кёрмегеннге кебек – танг, битмегеннге сакъал – танг.
- Айныгъанлы алты кюн, тогъайгъанлы тогъуз кюн.
- Чакъырылмагъан къонакъ тёрге атламаз.
- Ауругъан – джашаудан умутчу.
- Бал ашаргъа сюе эсенг, чибин ургъаннга тёз.
- Ким бла джюрюсенг, аны кёзю бла кёрюнюрсе.
- Джашлыкъ этмеген, башлыкъ этмез.
- Тешигини къатында, чычхан да батыр болур.
- Тёзген – тёш ашар!
- Джырчы джырчыгъа – къарнаш.
- Эте билген, этген этеди, эте билмеген, юретген этеди!
- Садакъачыны джаны – къапчыгъында.
- Намысы болмагъанны, сыйы болмаз.
- Экеулен сёлеше тура эселе, орталарына барыб кирме.
- Чабакъсыз кёлге къармакъ салгъанлыкъгъа, чабакъ тутмазса.
- Ач къарынны, токъ билмез
- Адамны сыфатына къарама, сёзюне къара.
- Айранын берсенг, челегин да къызгъанма.
- Урунуу – насыбны анасы.
- Кёбню кёрген – кёб билир.
- Игини сыйлагъан адетди.
- Акъыл бла адеб эгизледиле.
- Борчунг бар эсе, хурджунунга ойлаб узал.
- Юйлю уругъа ит чабмаз.
- Ишин билген, аны сыйын чыгъарады.
- Байдан умут эте, джарлыдан ёгюз багъасы къорады.
- Кёб ант этген, кёб ётюрюк айтыр.
- Ачыу алгъа келсе, акъыл артха къалады.
- Адамны артындан къара сабан сюрме.
- Окъуу – билимни ачхычы, окъуу – дунияны бачхычы.
- Нёгер болсанг, тенг бол, тенг болмасанг, кенг бол.
- Ач – эснер, ат – кишнер.
Профиль
|
|
|
|||