- Ариу – кёзге, акъыл – джюрекге.
- Ашатыргъа иш – ашхы, ишлетирге аш – ашхы.
- Акъдан къара болмаз.
- Минг тенг да азды, бир джау да кёбдю.
- Малны кют, джерни тюрт.
- Тилчи тилден къаныкъмаз.
- Атлыны ашхысы, ат тизгининден билинир
- Ата Джуртун танымагъан, атасын да танымаз.
- Тёрени джагъы джокъ.
- Джуртун къоругъан озар.
- Чабакъгъа акъыл, табагъа тюшсе келеди.
- Тау башында, тау болмаз, джангыз терек, бау болмаз.
- Джашда акъыл джокъ, къартда къарыу джокъ.
- Битмегеннге сакъал – танг.
- Эл ауузу – элия.
- Къая джолда джортма, ачыкъ сёзден къоркъма.
- Къызны минг тилер, бир алыр.
- Ишин билген, аны сыйын чыгъарады.
- Ашхы адам – халкъ байлыгъы, ашхы джер – джашау байлыгъы.
- Мухарны эси – ашарыкъда.
- Юй кюйдю да, кюйюз чыкъды, ортасындан тюйюш чыкъды.
- Акъыл сабырлыкъ берир.
- Эл ауузу – элек, анга ийнаннган – халек.
- Махтаннган къыз, тойда джукълар.
- Ауузу аманнга «иги», деме.
- Баш болса, бёрк табылыр.
- Ашарыкъда сайлагъаннга – чий гырджын.
- Керек ташны ауурлугъу джокъ.
- Джумушакъ терекни къурт ашар.
- Ёлген эшек бёрюден къоркъмайды.
- Танг атмайма десе да, кюн къоярыкъ тюйюлдю.
- Мадар болса, къадар болур.
- Ачылгъан эт джабылыр, кёрген кёз унутмаз.
- Байдан умут эте, джарлыдан ёгюз багъасы къорады.
- Джарлыны эшигин махтагъан джабар.
- Тёзген – тёш ашар!
- Къонакъ болсанг, ийнакъ бол.
- Экиндини кеч къылсанг, чабыб джетер ашхам.
- Асхат ашлыкъ сата, юйдегиси ачдан къата.
- Бойнуму джети джерден кессенг да, мен ол ишни этеллик тюлме.
- Узун джолну барсанг, бюгюн келирсе, къысха джолну барсанг, тамбла келирсе.
- Телини эшигин, махтау джабар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тёзгеннге, джабылгъан эшик ачылыр.
- Къарнынг бла ёч алма.
- Игини сыйлагъан адетди.
- Адамны сыфатына къарама, сёзюне къара.
- Адеб этмеген, адеб кёрмез.
- Ата Джуртча джер болмаз, туугъан элча эл болмаз.
- Ишленмеклик адамлыкъды.
Профиль
|
|
|
|||